Toshkent viloyati Yangiyo‘l tumanida tadbirkor 1,4 milliard so‘mlik elektr energiyasidan noqonuniy foydalanib kelayotgani aniqlandi. Bu haqda Energetika vazirligi axborot xizmati xabar berdi.
“O‘zenergoinspeksiya” va ishchi guruhlar tomonidan o‘tkazilgan nazorat tadbirida “Spring Kolours Industriy” MCHJga qarashli tekstil mahsulotlarini ishlab chiqaruvchi korxona o‘zboshimchalik bilan elektr energiyasiga to‘g‘ridan to‘g‘ri ulangan holda foydalangani aniqlandi.
Natijada 2,1 million kVt/soat hisobga olinmagan elektr energiyasi bo‘yicha 1,4 milliard so‘m qayta hisob amalga oshirilgan. Ushbu hajmdagi elektr energiyasi o‘rtacha 10,5 mingta xonadonning bir oylik iste’molini tashkil qiladi.
Qoidabuzar iste’molchiga nisbatan belgilangan tartibda choralar ko‘rilgan. Elektr energiyasidan noqonuniy foydalanish holatlarini aniqlash bo‘yicha nazorat tadbirlari davom etmoqda.
Mavzuga doir: Energetika vazirligi gazdan noqonuniy foydalangan yana bir qator zapravkalarni aniqladi
Izoh (0)