O‘zbekistonda dekabr oyida ob-havo sharoiti tufayli samolyotlar 58 marta boshqa aeroportlarga majburiy ravishda yo‘naltirildi. Bu haqda Uzbekistan Airways matbuot kotibi Kamola Ikromova ma’lum qildi.
Statistik ma’lumotlarga ko‘ra, aviakompaniya jadval asosida 2290 ta aviaqatnovni amalga oshirgan. Shulardan 925 tasi kechiktirilgan holda bajarilgan. 26-dekabr holatiga ko‘ra esa jadval asosida 1957 ta aviaqatnov amalga oshirilgan. Shulardan umumiy hisobda 1136 tasi kechiktirilgan holda parvoz qilgan.
Dekabr oyidan boshlab O‘zbekiston hududi bo‘ylab sovuq havo sikloni kuzatilib kelinmoqda. Shu munosabat bilan Toshkent va viloyatlarda joylashgan aeroport hududlarida tuman, uchish va qo‘nish yo‘lagining muzlashi, samolyotlar qor bilan qoplanishi hamda uchuvchilar uchun uchish-qo‘nish yo‘lagini ko‘rish darajasining pasayishi kuzatilmoqda.
Dekabr oyida noqulay ob-havo sharoiti tufayli havo kemalari 58 marta boshqa aeroportlarga majburiy ravishda yo‘naltirilgan. Jumladan, Navoiyga 13 marta, Namanganga 8 marta, Buxoroga 3 marta, Samarqandga 14 marta, Toshkentga 10 marta, Farg‘onaga 7 marta.
Izoh (0)