Toshkentda Gentra va Cobalt to‘qnashishi oqibatida bir kishi halok bo‘ldi (video)

Toshkent shahri Chilonzor tumanida 18-dekabr kuni Cobalt va Gentra ishtirokida yo‘l-transport hodisasi sodir bo‘ldi.

Poytaxt Ichki ishlar bosh boshqarmasi axborot xizmatiga ko‘ra, U.T. boshqaruvidagi Lacetti yo‘l chetidan orqaga harakatlanayotgan M.A. boshqaruvidagi Cobalt bilan to‘qnashgan.

YTH oqibatida Lacetti haydovchisi U.T., Cobalt haydovchisi M.A. va yo‘lovchisi — 2011-yilda tug‘ilgan M.M. olgan tan jarohatlari oqibatida tibbiy muassasaga olib borilgan. Biroq yo‘lovchi M.M. vafot etgan.

Mazkur holat yuzasidan Toshkent shahri IIBB tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov harakatlari davom etmoqda.

Mavzuga doir:

• Andijonda 8 ta mashina ishtirokida YTH sodir bo‘ldi
• Qashqadaryoda Spark yuk mashinasiga borib urilishi oqibatida ikki kishi vafot etdi