Rahim Hakimov prezident maslahatchisi o‘rinbosari etib tayinlandi

Rahim Hakimov 24-dekabr kuni Prezidentning ijtimoiy-siyosiy rivojlanish masalalari bo‘yicha maslahatchisi o‘rinbosari lavozimiga tayinlandi. Bu haqda Oliy va o‘rta maxsus ta’lim vazirligi axborot xizmati xabar berdi.

U tayinlovga qadar oliy va o‘rta maxsus ta’lim vaziri o‘rinbosari lavozimida faoliyat yuritgan.

Rahim Hakimov 1983-yilda Namangan viloyati Chust shahrida tug‘ilgan. O‘zbek huquqshunos olimi, siyosatchi, Oliy Majlis Qonunchilik palatasi deputati (2015—2019).

Shavkat Mirziyoyevning 2019-yil 19-sentabrdagi qarori bilan adliya vaziri o‘rinbosari — Toshkent davlat yuridik universiteti rektori lavozimiga tayinlangan. Prezidentning 2021-yil 21-iyundagi qarori bilan oliy va o‘rta maxsus ta’lim vazirining fan va innovatsiyalar bo‘yicha o‘rinbosari etib tayinlangan.

Mavzuga doir:

• G‘ofurjon Mirzayev prezident maslahatchisi etib tayinlandi
• Adminstratsiyada yangi tayinlovlar amalga oshirildi: Qahramon Quronboyev va Qahramon Sariyev yangi lavozimga tayinlandi