Ijtimoiy tarmoqlarda Qashqadaryoning Koson tumanida sodir bo‘lgan YTH haqidagi video tarqaldi. Viloyat IIB matbuot xizmati holat yuzasidan ma’lum berdi.
Unga ko‘ra, voqea 19-dekabr kuni taxminan soat 07:15 larda A-380 G‘uzor—Buxoro—Nukus—Beyneu avtomobil yo‘lining 73 kilometrida yuz bergan. Haydovchi B.N. Spark’ni Qarshi—Koson yo‘nalishi bo‘yicha boshqarib ketayotib, bir yo‘nalishda oldinda harakatlanib borayotgan “GAZ-53” yuk mashinasiga urilgan.
Oqibatda Spark haydovchisi olgan og‘ir tan jarohati bois voqea joyida halok bo‘lgan. Uning yo‘lovchisi N.S. esa olgan tan jarohatlari sabab shifoxonada vafot etgan.
Mazkur holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 3-qismi “a” bandi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)