Andijonda ikki korxona elektr energiyasidan noqonuniy foydalanishi oqibatida 1,6 mlrd so‘m zarar yetkazdi

Andijonda ikki MCHJ elektr energiyasidan noqonuniy foydalanib, davlat va jamiyat manfaatlariga 1,6 milliard so‘m zarar yetkazdi. Bu haqda Bosh prokuratura huzuridagi departament xabar berdi.

Departamentning Andijon tuman bo‘limi tomonidan “Andijon hududiy elektr tarmoqlari korxonasi” AJ bilan hamkorlikda o‘tkazilgan tergovga qadar tekshiruvda “K.-Yo” elektr ta’minoti korxonasi mas’ul shaxslari o‘z xizmat vazifalariga sovuqqonlik bilan qaraganliklari oqibatida, “A.-S.” va “M.S.” MCHJlar elektr tarmog‘iga shartnoma tuzmasdan o‘zboshimchalik bilan ulangani aniqlangan.

Buning oqibatida elektr energiyasidan noqonuniy foydalanilib, davlat va jamiyat manfaatlariga 1,6 milliard so‘m zarar yetkazilgan.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• Andijondagi korxona 6 mingta xonadonning bir oylik iste’moliga teng elektr energiyasidan noqonuniy foydalanib kelgani aniqlandi
• Surxondaryoda 3 mlrd so‘mdan ortiq qarzdorligi bo‘lgan g‘isht zavodi elektr energiyasi tarmog‘idan uzilmagani aniqlandi