AQSH hukumati Ukraina prezidenti Vladimir Zelenskiyning Vashingtonning tashrifi chog‘ida uning hayotiga suiqasd uyushtirilishi ehtimolidan tashvishlanib, xavfsizlik choralarini kuchaytirgan. Bu haqda CNN Ukraina yetakchisiga yaqin manbasiga tayanib xabar bermoqda.
Manbaga ko‘ra, bunday xavf Rossiya tomonidan kelmoqda, va shu munosabat bilan, yuqori mansabli hukumat amaldorlari, shuningdek, AQSHdagi elchixona xodimlari Zelenskiyning bo‘lajak tashrifi haqida oldindan xabardor qilinmagan.
CNN manbasi aniqlik kiritishcha, Ukraina prezidenti o‘z tashrifini bir necha oylar davomida rejalashtirgan va agar “munosabatlar sezilarli darajada rivojlanmaganida”, xususan, Bayden Ukrainaga Patriot havo hujumiga qarshi mudofaa tizimlarini taqdim etishga rozilik bermaganida, u amalga oshmagan bo‘lardi.
Zelenskiyning Vashingtonga tashrifi haqida birinchi bo‘lib CNN telekanali manbalariga tayanib xabar qilgandi, u haqda oldindan e’lon qilmagandi. Keyinroq Oq uy va Ukraina yetakchisining o‘zi ham tashrifni tasdiqladi. Oq uy matbuot kotibi Karin Jan-Pyerning so‘zlariga ko‘ra, Ukraina prezidentining tashrifi AQSH butun vaqt davomida Ukrainani, shu jumladan, iqtisodiy, gumanitar va harbiy ko‘mak taqdim etish yo‘li bilan qo‘llab-quvvatlashga qat’iy sodiqligini ko‘rsatadi”.
Vladimir Zelenskiy 21-dekabr kuni e’lon qilinmagan tashrif bilan Vashingtonga keldi. Tashrif doirasida Amerika yetakchisi bilan muzokaralar o‘tkazdi, shuningdek, AQSH Kongressida nutq so‘zladi.
Mavzuga doir:
- AQSH Ukrainaga 1,85 mlrd dollarlik yordam paketi haqida rasman e’lon qildi. Unga Patriot zenit-raketalari ham kirdi
- “Putinning shafqatsiz urushiga qarshi birgalikdagi kurashimizda siz bilan yonma-yon turish sharafdir”. Bayden — Zelenskiy bilan uchrashuvda
- “Ukraina hech qachon taslim bo‘lmaydi. Biz g‘alaba qozonamiz”. Zelenskiy AQSH Kongressida nutq so‘zladi
Izoh (0)