“Ukraina hech qachon taslim bo‘lmaydi. Biz g‘alaba qozonamiz”. Zelenskiy AQSH Kongressida nutq so‘zladi

Ukraina prezidenti Vladimir Zelenskiy AQSH Kongressida nutq so‘zladi. Meduza uning qisqacha mazmunini keltirib o‘tdi.

Biz g‘olib bo‘ldik, hisob — chunki biz qo‘rqmaymiz. Rossiya zo‘ravonligi bizning ustimizdan nazoratni yo‘qotdi. Rossiyaliklarning o‘zlari esa fikrlarining Kreml tomonidan nazorat qilinishini yengganidan keyingina ozod bo‘lish imkoniyatini qo‘lga kiritadi. Bu jang faqat hududlar uchun bo‘layotgani yo‘q — u bizning farzandlarimiz va nevaralarimiz qanday dunyoda yashashini belgilaydi. Uni to‘xtatib qo‘yib ham, kechiktirib ham bo‘lmaydi.

Dunyo o‘zaro bog‘liqlik juda kuchli, hech kim chetga chiqib qololmaydi. AQSH qo‘shinlari 1944-yil Rojdestvo arafasida natsistlarga qarshi jang qilgandi, endi esa bizning qo‘shinlarimiz xuddi shu tarzda Rossiyaga qarshi kurashmoqda. Ukraina dadil turib bermoqda va hech qachon taslim bo‘lmaydi. Biz amerikalik askarlar o‘z hududimizda bizning o‘rnimizga jang qilsin, deb hech qachon so‘ramaganmiz — ukrainalik harbiylarning o‘zlari Amerika tanklari va samolyotlarini boshqara oladi. Ammo sizning moliyaviy ko‘magingiz ham katta ahamiyatga ega. Bu xayriya emas, balki global xavfsizlik va demokratiya uchun investitsiyalardir.

Rossiya istasa, agressiyani to‘xtatishi mumkin edi. Lekin u Kreml tomonidan zaharlangan, va undan tinchlikka tomon qo‘yilgan qadamlarni kutish soddalik bo‘lgan bo‘lardi. Rossiya urush oqibatlari qanchalik og‘ir bo‘lishini his qilishi uchun sanksiyalarni kuchaytirishingiz mumkin. Keling, buni amalga oshiramiz. Ikki kundan keyin biz Rojdestvoni sham yorug‘ligida nishonlaymiz. Bu romantik bo‘lgani uchun emas, balki bizda elektr toki bo‘lmagani uchun. Lekin biz nolimayapmiz. Qalbimizdagi yorug‘likni so‘ndirib bo‘lmaydi. Men sizga mana shu bayroqni hadya qilaman, uni baxmutlik harbiylar berib yubordi. Biz kurashishda davom etamiz va g‘olib chiqamiz, chunki biz barchamiz hamjihatmiz. Xudo bizning qurolli kuchlarimizni o‘z panohida asrasin, Qo‘shma Shtatlarni asrasin. Rojdestvo muborak. Ukrainaga shon-sharaflar bo‘lsin.

Kreml matbuot kotibi Dmitriy Peskov Zelenskiyning AQSHga tashrifi yaxshilikka olib kelmasligini aytgandi.