АҚШ ҳукумати Украина президенти Владимир Зеленскийнинг Вашингтоннинг ташрифи чоғида унинг ҳаётига суиқасд уюштирилиши эҳтимолидан ташвишланиб, хавфсизлик чораларини кучайтирган. Бу ҳақда CNN Украина етакчисига яқин манбасига таяниб хабар бермоқда.
Манбага кўра, бундай хавф Россия томонидан келмоқда, ва шу муносабат билан, юқори мансабли ҳукумат амалдорлари, шунингдек, АҚШдаги элчихона ходимлари Зеленскийнинг бўлажак ташрифи ҳақида олдиндан хабардор қилинмаган.
CNN манбаси аниқлик киритишча, Украина президенти ўз ташрифини бир неча ойлар давомида режалаштирган ва агар «муносабатлар сезиларли даражада ривожланмаганида», хусусан, Байден Украинага Patriot ҳаво ҳужумига қарши мудофаа тизимларини тақдим этишга розилик бермаганида, у амалга ошмаган бўларди.
Зеленскийнинг Вашингтонга ташрифи ҳақида биринчи бўлиб CNN телеканали манбаларига таяниб хабар қилганди, у ҳақда олдиндан эълон қилмаганди. Кейинроқ Оқ уй ва Украина етакчисининг ўзи ҳам ташрифни тасдиқлади. Оқ уй матбуот котиби Карин Жан-Пьернинг сўзларига кўра, Украина президентининг ташрифи АҚШ бутун вақт давомида Украинани, шу жумладан, иқтисодий, гуманитар ва ҳарбий кўмак тақдим этиш йўли билан қўллаб-қувватлашга қатъий содиқлигини кўрсатади».
Владимир Зеленский 21 декабрь куни эълон қилинмаган ташриф билан Вашингтонга келди. Ташриф доирасида Америка етакчиси билан музокаралар ўтказди, шунингдек, АҚШ Конгрессида нутқ сўзлади.
Мавзуга доир:
- АҚШ Украинага 1,85 млрд долларлик ёрдам пакети ҳақида расман эълон қилди. Унга Patriot зенит-ракеталари ҳам кирди
- «Путиннинг шафқатсиз урушига қарши биргаликдаги курашимизда сиз билан ёнма-ён туриш шарафдир». Байден — Зеленский билан учрашувда
- «Украина ҳеч қачон таслим бўлмайди. Биз ғалаба қозонамиз». Зеленский АҚШ Конгрессида нутқ сўзлади
Изоҳ (0)