Toshkent shahar, Yakkasaroy tumani, Nukus va Bobur ko‘chalari kesishuvidagi biznes-markaz kimoshdi savdosida sotildi. Ma’lumotlar “E-auksion” portalida e’lon qilingan.
Bino fuqarolik ishlari bo‘yicha sud hukmi bilan Yakkasaroy tuman MIB bo‘limi tomonidan auksionga qo‘yilgan edi.
Lot izohida yozilishicha, 2015-yilda qurilgan 4 qavatli bino 75 xonadan iborat. Ofis 0,15 gektar maydonda joylashgan. Binoning umumiy maydoni 4 075 kvadrat metrni tashki qiladi.
Biznes-markazda kanalizatsiya, suv va elektr ta’minoti bor bo‘lsa-da, gaz ta’minoti mavjud emas.
Auksionga qo‘yilgan ofisning boshlang‘ich bahosi — 46,5 mlrd so‘m edi. Kimoshdi savdosi bugun, 22-dekabr kuni o‘tkazildi va unda “Garant Bank” taklif qilgan 41,9 mlrd so‘mlik taklif g‘olib deb topildi.
“Garant Bank” avvalgi “Savdogarbank” bo‘lib o‘z nomini shu yilning iyunida o‘zgartirgan edi.
Avvalroq Toshkent shahridagi 19 gektar yer auksionda qariyb 90 mlrd so‘mga sotilgani haqida xabar berilgan edi.
Izoh (0)