O‘zbekistonda sayohat bo‘yicha yil yakunlarini sarhisob qilindi va aholi eng ko‘p qaysi davlatlarga borgani aniqlandi. Bu haqda “Aviasales.uz” xabar bermoqda.
Tahlilga ko‘ra, xalqaro sayohatlar soni o‘tgan yilga nisbatan sezilarli darajada oshganini aniqladi.
Bu yil o‘zbekistonliklar onlayn tarzda 2 barobar ko‘p chipta qidirgan, bron qilishlar soni esa 3 barobar ko‘paygan. Sayohat yo‘nalishlarida ham o‘zgarishlar mavjud. 2022-yilda ro‘yxatga uchta yangi davlat — AQSH, Janubiy Koreya va Tailand kirdi.
Joriy yilning eng yaxshi xalqaro yo‘nalishlari qatoriga quyidagilar kiradi:
- Rossiya;
- Turkiya;
- Qozog‘iston;
- BAA;
- Janubiy Koreya;
- AQSH;
- Tailand.
Eng ommabop shaharlar ro‘yxatida 2021-yildagidek birinchi uchta o‘rinni Moskva, Istanbul va Sankt-Peterburg egallagan. Ro‘yxatdagi yangi yo‘nalishlar orasida Minsk o‘rnini egallagan Seul ham bor.
2022-yilda chiptalarni bron qilish soni bo‘yicha eng yaxshi shaharlar qatoriga quyidagilar kiradi:
- Moskva;
- Istanbul;
- Sankt-Peterburg;
- Toshkent;
- Qozon;
- Novosibirsk;
- Seul;
- Dubay;
- Yekaterinburg;
- Olmaota.
Chipta narxlari
2022-yilda yetakchi mamlakatlarga chiptalarning o‘rtacha narxi biroz (+4 foiz) oshdi. Mashhur xalqaro yo‘nalishlarga chiptalarning o‘rtacha narxi o‘tgan yili 3,57 mln so‘mni, 2022-yilda esa 3,72 mln so‘mni tashkil qilgan.
Bu yil Rossiyaga chiptalar narxi sezilarli darajada pasaygan (2021-yildagi o‘rtacha chipta narxidan -23 foiz).
2021-yilda Rossiya shaharlariga chiptalar o‘rtacha 3,8 mln so‘mni, 2022-yilda esa 3,1 mln so‘mni tashkil qiladi.
Ichki reyslar
2022-yilda O‘zbekiston bo‘ylab sayohatlar soni 7 barobarga oshdi.
Ichki yo‘nalishlar bo‘yicha o‘rtacha chipta narxi 14 foizga o‘sdi — 2021-yildagi 310 ming so‘mdan 2022-yilda 360 ming so‘mgacha.
Joriy yilda Toshkent, Urganch, Buxoro, Samarqand, Nukus shaharlari ichki yo‘nalishlar orasida birinchi o‘rinni egalladi.
2023-yilda orzu qilingan manzillar
O‘zbekistonliklar keyingi yil uchun chiptalarni qidirish va bron qilishda davom etmoqda. Tahlilchilarga ko‘ra, 2023-yil uchun o‘zbekistonliklar eng ko‘p quyidagi yo‘nalishlarga chipta izlagan:
- Rossiya;
- BAA;
- Turkiya;
- Tailand;
- Janubiy Koreya;
- Hindiston;
- AQSH.
O‘zbekistonliklar keyingi yil uchun chipta sotib oladigan davlatlar ro‘yxati qidiruv ro‘yxatidan biroz farq qiladi. Unga: Rossiya, BAA, Hindiston, Turkiya, Qozog‘iston, Tailand va Malayziya kiradi.
“Bu yil biz O‘zbekistonda sayyohlik sanoati koronavirus cheklovlaridan to‘liq qutulganini ko‘rmoqdamiz. Pandemiya davri esa sayyohlarning xohish-istaklariga ta’sir qildi — endi o‘zbekistonliklar mamlakat bo‘ylab sayohat qilishi mumkin”, — deb tushintiradi Aviasales.uz rahbari Ruslan Baiganurov.
Uning so‘zlariga ko‘ra, bu yil ro‘yxatda nihoyat bir yil avval borish qiyin bo‘lgan mashhur yo‘nalishlar paydo bo‘lgan va aholi 2023-yil uchun sayohat chiptalarini hozirdan band qilmoqda.
Izoh (0)