Тошкент шаҳар, Яккасарой тумани, Нукус ва Бобур кўчалари кесишувидаги бизнес-марказ кимошди савдосида сотилди. Маълумотлар «E-auksion» порталида эълон қилинган.
Бино фуқаролик ишлари бўйича суд ҳукми билан Яккасарой туман МИБ бўлими томонидан аукционга қўйилган эди.
Лот изоҳида ёзилишича, 2015 йилда қурилган 4 қаватли бино 75 хонадан иборат. Офис 0,15 гектар майдонда жойлашган. Бинонинг умумий майдони 4 075 квадрат метрни ташки қилади.
Бизнес-марказда канализация, сув ва электр таъминоти бор бўлса-да, газ таъминоти мавжуд эмас.
Аукционга қўйилган офиснинг бошланғич баҳоси — 46,5 млрд сўм эди. Кимошди савдоси бугун, 22 декабрь куни ўтказилди ва унда «Garant Bank» таклиф қилган 41,9 млрд сўмлик таклиф ғолиб деб топилди.
«Garant Bank» аввалги «Савдогарбанк» бўлиб ўз номини шу йилнинг июнида ўзгартирган эди.
Аввалроқ Тошкент шаҳридаги 19 гектар ер аукционда қарийб 90 млрд сўмга сотилгани ҳақида хабар берилган эди.
Изоҳ (0)