Toshkent shahar, Yangi hayot tumani, “Toshkent” mahallasidagi yer maydoni ijarasi kimoshdi savdosida sotildi. Ma’lumotlar “E-auksion” portalida e’lon qilingan.
Lot auksionga Davlat aktivlarini boshqarish agentligi tomonidan joylashtirilgan edi. Yerga bo‘lgan huquq turi iajara bo‘lib, uning muddati — 49 yil. Yer uchastkasining umumiy maydoni — 18,9 gektar.
Auksionga qo‘yilgan yer maydoni va binoning boshlang‘ich bahosi 84,8 mlrd so‘m edi. 15-dekabr kuni bo‘lib o‘tgan savdoda u 89,1 mlrd so‘mga sotildi.
Kimoshdi savdosining g‘olibi sifatida “Aysel Inshaat” qo‘shma korxonasi ko‘rsatilgan. Kompaniya “Aysel-Energy” savdo belgisi ostida faoliyat olib boradi.
Avvalroq Toshkent shahridagi 1 gektar yer qariyb 50 mlrd so‘mga sotilgani haqida xabar berilgan edi.
Izoh (0)