“Uyda yolg‘iz” filmidagi yoqimtoy bolakay 40 yoshini nishonlab, ota bo‘lishga ham ulgurdi. 90-yillarning yulduzi uchun hozir hammasi yaxshi ketayotganga o‘xshaydi.
Aktyor hayotini butunlay o‘zgartirgan Makoley Kalkin va Brenda Songning sevgi hikoyasi haqida gaplashamiz.
Kalkinning uzoq vaqt sevgi bobida omadi kelmagan
Omadsizlik Makoley Kalkinni 1990-yillarning oxiridan beri qiynab kelmoqda. Gap faqat uni filmlarga taklif qilishmayotganida emas, balki shaxsiy hayotida ham muammolar bor edi. 1998-yilda Kalkin aktrisa Reychel Maynerga uylandi. O‘shanda ikkalasi ham 18 yoshda edi. Biroq ularning nikohi uzoq davom etmadi. 2000-yilda ular birga yashamay qo‘ydi, 2 yildan keyin esa rasman ajrashishdi.
Ajrashgandan so‘ng Kalkin o‘sha paytda “70-yillar shousi” teleseriali tufayli mashhur bo‘lgan Mila Kunis bilan uchrashishni boshladi. Avvaliga Mila va Makoley bir-birlari uchun yaratilgandek tuyuldi, ammo 2011-yil yanvar oyida ular ajralishdi.
Makoley Brenda bilan ham birga bo‘lishiga shubha qilgandi
Kunis bilan ajrashgandan so‘ng, Kalkin sevgidan butunlay hafsalasi pir bo‘lganga o‘xshardi. Ammo 2017-yilda u “Tailanddagi bazm” filmini suratga olish maydonchasida Brenda Song bilan uchrashganida hammasi o‘zgardi. Brenda va Makoley, ehtimol, ikkalasi ham bolaligida filmlarda rol o‘ynaganlari uchun bir zumda til topishdi. Songning aytishicha, “Bola aktyorlar bu haqda gapirishlari shart emas, biz shunchaki bir-birimizning ko‘zimizga qaraymiz va bosh irg‘aymiz, chunki biz hamma narsani so‘zsiz tushunamiz”.
Hammasi shu qadar silliq kechdiki, Makoley hatto biror yomon narsa yuz berishidan qo‘rqardi. Keyinchalik u o‘z his-tuyg‘ulari haqida shunday deydi: “Menga xuddi yomon narsa sodir bo‘lishi kerakdek tuyulardi. Masalan, kimdir o‘ladi, deb qo‘rqardim”. Ammo taqdirning sevishganlar uchun boshqa rejalari bor edi.
Ular hech ikkilanmay oila qurishga qaror qilishdi
Makoley va Brenda uchrasha boshlaganidan bir yil o‘tgach, Kalkin bu uning uchun oddiy munosabatlar emasligini aytdi. U birgalikdagi bolalarining otasi bo‘lishni xohlayotganini ochiq aytdi. “O‘ylaymanki, biz bir-birimizni topdik. Shuning uchun tez orada ota-ona bo‘lishni rejalashtirmoqdamiz”.
Ularning munosabati shunchalik muhabbatga to‘laki, buning to‘g‘riligiga shubha yo‘q. Song o‘zining Instagram’ida tez-tez “Mak” haqida ta’sirli postlar joylaydi, lekin u Kalkinni 40 yoshga to‘lgani bilan tabriklaganida, dilidagi barcha so‘zlarni izhor qildi.
U shunday deb yozgan: “Qirq yoshing bilan tabriklayman, sehrgarim. Sening qanchalik ajoyib, mehribon, samimiy, sodiq, halol, aqlli ekanliging haqida cheksiz yozishim mumkin. Hayotimni sen bilan baham ko‘rishim mumkinligi uchun sendan qanchalik minnatdorman. Sen mening borligiga hatto shubha ham qilmagan yakkashoximsan va men sayyoradagi eng baxtli odamman, chunki sen meni sevasan”.
2021-yil 5-aprelda Brenda Song va Makoley ota-ona bo‘lishdi. Ular o‘g‘liga Kalkinning vafot etgan singlisi sharafiga Dakota deb ism berishdi. Ammo ota-onalik ularga nafaqat quvonch, balki ba’zi qiyinchiliklarni ham olib keldi.
Ammo yosh ota-ona bunga ham tezda yechim topdilar. “Yordam kerak bo‘lganda jim qolmaslik juda muhim. Mas’uliyatni taqsimlash o‘rniga, biz bir-birimizning ehtiyojlarimizni his qilishga harakat qilamiz. Misol uchun, men bolamni uxlatayotganimda Makoley jonivorlarimizga ovqat berish va kechki ovqat pishirishni zimmasiga oladi”, — deydi Song.
Mavzuga doir:
- Olimpiya o‘yinlari, ruhiy tushkunlik va yolg‘izlikda vafot etish: “Uyda yolg”iz” filmidan so‘ng aktyorlar hayotida ro‘y bergan keskin burilishlar
- Birgina roli bilan mashhur bo‘lib, keyinchalik ko‘rinmay ketgan aktyorlar (foto)
- “Uyda yolg‘iz” filmi yulduzi shapkasi yonayotgan sahnani suratga olish paytida boshi kuyib qolgani haqida gapirdi
Izoh (0)