«Уйда ёлғиз» фильмидаги ёқимтой болакай 40 ёшини нишонлаб, ота бўлишга ҳам улгурди. 90 йилларнинг юлдузи учун ҳозир ҳаммаси яхши кетаётганга ўхшайди.
Актёр ҳаётини бутунлай ўзгартирган Маколей Калкин ва Бренда Сонгнинг севги ҳикояси ҳақида гаплашамиз.
Калкиннинг узоқ вақт севги бобида омади келмаган
Омадсизлик Маколей Калкинни 1990 йилларнинг охиридан бери қийнаб келмоқда. Гап фақат уни фильмларга таклиф қилишмаётганида эмас, балки шахсий ҳаётида ҳам муаммолар бор эди. 1998 йилда Калкин актриса Рейчел Майнерга уйланди. Ўшанда иккаласи ҳам 18 ёшда эди. Бироқ уларнинг никоҳи узоқ давом этмади. 2000 йилда улар бирга яшамай қўйди, 2 йилдан кейин эса расман ажрашишди.
Ажрашгандан сўнг Калкин ўша пайтда «70 йиллар шоуси» телесериали туфайли машҳур бўлган Мила Кунис билан учрашишни бошлади. Аввалига Мила ва Маколей бир-бирлари учун яратилгандек туюлди, аммо 2011 йил январь ойида улар ажралишди.
Маколей Бренда билан ҳам бирга бўлишига шубҳа қилганди
Кунис билан ажрашгандан сўнг, Калкин севгидан бутунлай ҳафсаласи пир бўлганга ўхшарди. Аммо 2017 йилда у «Таиланддаги базм» фильмини суратга олиш майдончасида Бренда Сонг билан учрашганида ҳаммаси ўзгарди. Бренда ва Маколей, эҳтимол, иккаласи ҳам болалигида фильмларда рол ўйнаганлари учун бир зумда тил топишди. Сонгнинг айтишича, «Бола актёрлар бу ҳақда гапиришлари шарт эмас, биз шунчаки бир-биримизнинг кўзимизга қараймиз ва бош ирғаймиз, чунки биз ҳамма нарсани сўзсиз тушунамиз».
Ҳаммаси шу қадар силлиқ кечдики, Маколей ҳатто бирор ёмон нарса юз беришидан қўрқарди. Кейинчалик у ўз ҳис-туйғулари ҳақида шундай дейди: «Менга худди ёмон нарса содир бўлиши керакдек туюларди. Масалан, кимдир ўлади, деб қўрқардим». Аммо тақдирнинг севишганлар учун бошқа режалари бор эди.
Улар ҳеч иккиланмай оила қуришга қарор қилишди
Маколей ва Бренда учраша бошлаганидан бир йил ўтгач, Калкин бу унинг учун оддий муносабатлар эмаслигини айтди. У биргаликдаги болаларининг отаси бўлишни хоҳлаётганини очиқ айтди. «Ўйлайманки, биз бир-биримизни топдик. Шунинг учун тез орада ота-она бўлишни режалаштирмоқдамиз».
Уларнинг муносабати шунчалик муҳаббатга тўлаки, бунинг тўғрилигига шубҳа йўқ. Сонг ўзининг Instagram’ида тез-тез «Мак» ҳақида таъсирли постлар жойлайди, лекин у Калкинни 40 ёшга тўлгани билан табриклаганида, дилидаги барча сўзларни изҳор қилди.
У шундай деб ёзган: «Қирқ ёшинг билан табриклайман, сеҳргарим. Сенинг қанчалик ажойиб, меҳрибон, самимий, содиқ, ҳалол, ақлли эканлигинг ҳақида чексиз ёзишим мумкин. Ҳаётимни сен билан баҳам кўришим мумкинлиги учун сендан қанчалик миннатдорман. Сен менинг борлигига ҳатто шубҳа ҳам қилмаган яккашохимсан ва мен сайёрадаги энг бахтли одамман, чунки сен мени севасан».
2021 йил 5 апрелда Бренда Сонг ва Маколей ота-она бўлишди. Улар ўғлига Калкиннинг вафот этган синглиси шарафига Дакота деб исм беришди. Аммо ота-оналик уларга нафақат қувонч, балки баъзи қийинчиликларни ҳам олиб келди.
Аммо ёш ота-она бунга ҳам тезда ечим топдилар. «Ёрдам керак бўлганда жим қолмаслик жуда муҳим. Масъулиятни тақсимлаш ўрнига, биз бир-биримизнинг эҳтиёжларимизни ҳис қилишга ҳаракат қиламиз. Мисол учун, мен боламни ухлатаётганимда Маколей жониворларимизга овқат бериш ва кечки овқат пиширишни зиммасига олади», — дейди Сонг.
Мавзуга доир:
- Олимпия ўйинлари, руҳий тушкунлик ва ёлғизликда вафот этиш: «Уйда ёлг»из» фильмидан сўнг актёрлар ҳаётида рўй берган кескин бурилишлар
- Биргина роли билан машҳур бўлиб, кейинчалик кўринмай кетган актёрлар (фото)
- «Уйда ёлғиз» фильми юлдузи шапкаси ёнаётган саҳнани суратга олиш пайтида боши куйиб қолгани ҳақида гапирди
Изоҳ (0)