Rayan Reynolds va Bleyk Layvli Gollivudning eng sodiq va bir-biriga mos juftliklaridan biri hisoblanadi. 10 yillik turmushi davomida mashhurlar 3 farzandli bo‘lishdi, yaqinda esa oilaga yana bir chaqaloq qo‘shilish kutilmoqda. Ammo ko‘pchilik ularning qizlari Gollivud hashamatidan uzoqda yashashini bilmaydi, chunki ota-onalar ularga oddiy bolalik berishni xohlaydi.
Rayan va Bleyk 2011-yilda “Yashil fonar” filmida birinchi marta tanishganidan roppa-rosa bir yil o‘tib munosabatlarga kirishgan. Bungacha ular faqat yaqin do‘st bo‘lgan.
Oradan 3 yil o‘tgach, ular farzandli bo‘lishdi. Ota-onalar hali ham katta qizining tug‘ilgan sanasini muxlislardan yashirishadi, faqat qizning ismi Jeyms ekanligi ma’lum xolos.
2016 va 2020-yillarda Reynolds va Layvli oilasida yana ikki qiz — Ines va Betti dunyoga keldi. Ko‘p bolali otaga aylangan Rayan kinodagi karyerasidan tanaffus qilishni va bo‘sh vaqtini oilasiga bag‘ishlash istagini bildirdi.
Baxtli ota bolalariga bo‘lgan sevgisini hatto kichik narsalarda ham namoyish etadi. Misol uchun, teleshoudagi chiqishi uchun aktyor qizlari biserdan yasagan munchoqli bilaguzuklarni taqib chiqqan. Keyinchalik aktyor bu munchoqlarni yoz oxirigacha qo‘lidan yechmaganini aytadi.
Juftlik intervyularidan birida bolalarni eng tabiiy sharoitda tarbiyalash qarori haqida gapirib berdi. “Biz qizlarimizning hayotini imkon qadar normal holatga keltirmoqchimiz, shunda ularning bolaligi ham xuddi biznikiga o‘xshaydi”.
Qizlarini normal hayot bilan ta’minlash istagi ular ishlashni afzal ko‘rgan loyihalarga ham ta’sir qildi. “Meni suratga olish maydonchasida ushlab turishi, uydan chiqarishi va bolalarimdan uzoqlashtirishi mumkin bo‘lgan yagona narsa — menga juda yoqadigan rol bo‘lishi mumkin”, — deydi Bleyk haqiqatni tan olgan holda.
Rayan ham xuddi shunday fikrda: u filmda suratga tushishdan ko‘ra uyda oilasi bilan vaqt o‘tkazish imkoniyatini afzal ko‘rishini tan oladi. “Men bu sehrli vaqtni o‘tkazib yuborishni xohlamayman. Axir, bu yillarni keyin qaytarib bo‘lmaydi”, — deydi baxtli oila boshlig‘i.
Yulduzli ota-onalar farzandlari haqidagi ma’lumotlarni yashirishadi. Bu haqda Bleyk shunday degandi: “Erim va men shaxsiy hayot jamiyatga aralashib ketadigan kasbni tanlaganmiz. Biz qilayotgan hamma narsa darhol ommaga e’lon qilinadi. Ommaga oshkor etiladigan hayot ularga kerakmi yoki yo‘qmi — buni bolalarimizning o‘zlari hal qilishini istaymiz”.
Baxtli ota-ona ko‘proq farzand ko‘rishga qarshi emas. “Men 5 farzandli oilada o‘sganman, erimning oilasida esa 4 nafar. Demak, biz rasmiy tarzda ko‘p farzandli oilamiz”, — dedi Bleyk o‘z intervyularidan birida.
Mavzuga doir:
Izoh (0)