Rossiyaning Leningrad viloyati Vsevolojsk tumanidagi mebel ishlab chiqarish sexida sodir bo‘lgan yong‘inda o‘zbekistonlik erkak halok bo‘ldi. Bu haqda 78.ru xabar berdi.
Yong‘in 15-dekabr kuni mahalliy vaqt bilan ertalab 04:00 da yuz bergan. Yong‘in maydoni 300 kvadrat metrni tashkil qilgan, mebel ishlab chiqarish ustaxonasida joylashgan angar yonib ketgan. Qutqaruvchilar hodisa joyiga yetib kelib, soat 06:45 da yong‘inni o‘chirgan.
Hodisada 50 yoshli O‘zbekiston fuqarosi halok bo‘lgan. Voqea joyidan yog‘li radiator topilgan. Hozirda yong‘in kelib chiqish sabablari va moddiy zarar o‘rganilmoqda.
Avvalroq Sankt-Peterburg shahri Petrogradskiy tumanida o‘zbekistonlik ishchi 7-qavatdan qulab halok bo‘lgandi. Chapayev ko‘chasida joylashgan turar joy binosi qurilishi vaqtida 45 yoshli ishchi balandlikdan qulagan. U olgan tan jarohatlari tufayli voqea joyida halok bo‘lgan. Holat yuzasidan jinoiy ish qo‘zg‘atilgan.
Izoh (0)