Ba’zida somatotropin gormoni ishlab chiqarilishining yetishmasligi yoki buzilishi va boshqa genetik mutatsiyalar odamlarning past bo‘yli bo‘lishiga olib keladi. Biroq bu to‘laqonli hayotdan voz kechish uchun sabab emas — kichik bo‘yli mashhurlarning misollari buni tasdiqlaydi.
Uorvik Devis
Ingliz aktyori Uorvik Devis o‘z faoliyatini ancha erta boshlagan: 11 yoshida u “Yulduzlar jangi VI-qism: Jedeyning qaytishi” filmini suratga olish uchun bo‘yi 122 sm dan pastlar o‘rtasida kasting bo‘layotgani haqida eshitadi. Uorvikning o‘zi kosmik epopeyaning muxlisi bo‘lganligi sababli kastingda qatnashadi. Natijada u Uiket Uistri Uorrik ismli evok rolini olishga muvaffaq bo‘ladi. Keyinchalik aktyor franshizaning boshqa filmlarida, shu jumladan prikvel va sikvellarning epizodlarida, shuningdek, ko‘plab spin-offlarda o‘ynash imkoniyatiga ega bo‘ldi.
Biroq yovuz gnom haqidagi “Laprekun” qo‘rqinchli filmlar serialidagi bosh rol unga olamshumul shuhrat keltirdi.
Shundan so‘ng aktyorga yangi takliflar yog‘ila boshladi, 2010-yilda u o‘zining avtobiografiyasini nashr etdi: “O‘lcham muhim emas: Uorvik Devisning g‘ayrioddiy hayoti va karyerasi”, so‘zboshini Jorj Lukasning o‘zi yozgan.
Aktyor nafaqat professional sohada, balki shaxsiy hayotida ham omadi kelgan: 30 yildan beri u “Uillou” filmini suratga olish paytida tanishgan Samanta Berrouz bilan oila qurgan — bu filmda kichik rol o‘ynagan. Aktyorning rafiqasi ham past bo‘yli — Uorvikning bo‘yi 1 m 7 sm ligiga spondiloepifizar displazi sabab bo‘lsa, eridan 17 sm uzunroq Samantaning o‘zi axondroplaziyadan aziyat chekadi. Er-xotinning ikki farzandi bor — qizi Annabel va o‘g‘li Xarrison, ular ham otalaridan displaziyani meros qilib olgan.
Toni Koks
Uorvik Devis va uning amerikalik hamkasbi Toni Koksning umumiy jihatlari juda ko‘p: ikkala aktyor ham “Jedayning qaytishi”, “Uillou” va “Laprekon”ning ikkinchi qismida o‘ynagan, ularning bo‘yi ham bir xil. To‘g‘ri, Uorikdan farqli o‘laroq, Toni dastlab musiqa bilan shug‘ullangan — maktabda u nog‘ora chalishni yaxshi ko‘rardi, ammo ekranda bo‘yi 114 sm bo‘lgan mashhur aktyor Billi Bartining ijrosini ko‘rgach, unda ham aktyor bo‘lish istagi tug‘iladi: 1980-yildan beri u o‘nlab rollarni o‘ynashga muvaffaq bo‘ldi.
Uning ishtirokidagi so‘nggi film 2016-yilda ekranlarga chiqqan “Yomon Santa” filmining sikveli — bu film 13 yil oldin unga olamshumul mashhurlik olib kelgandi.
Toni o‘zining bo‘lajak rafiqasi Oteliya bilan hali o‘rta maktabda o‘qib yurganida tanishgan, garchi dastlab ular shunchaki do‘st bo‘lishgan, lekin o‘qishni tugatgandan so‘ng uchrasha boshlashgan. To‘y 1981-yilda, aktyor 23 yoshdaligida bo‘lgan. Ko‘plab matbuot intervyularida Toni Oteliya usiz yashay olmaydigan yagona insoni ekanini bir necha bor ta’kidlagan. Er-xotin 40 yildan ortiq birga. Ular ota-ona sifatida farzandini ommaviy axborot vositalarining e’tiboridan astoydil himoya qilishadi, shuning uchun u haqida hech narsa ma’lum emas.
Meredit Iton
Qiyinchiliklarni yengish, karyera qilish va juda kichik bo‘yli baxtli oila yaratish nafaqat erkaklarning, balki ayollarning ham qo‘lidan keladi — bo‘yi 122 sm bo‘lgan amerikalik aktrisa Meredit Iton buni o‘z misolida isbotladi.
1999-yilda u o‘zining birinchi ishi — “Viktor Foksni kim o‘ldirgan?” filmida Modi Bisli rolini o‘ynaydi. Shunisi e’tiborga loyiqki, Meredit birinchi kastingdayoq AQSH, Kanada va Buyuk Britaniyadan kelgan besh yuzdan ortiq raqobatchilardan o‘zib ketishga muvaffaq bo‘ldi. Bu rol unga muvaffaqiyat keltirdi, shundan so‘ng boshqa filmlar va televizion loyihalarda ishtirok etishga takliflar ko‘paydi.
Aytgancha, uning sobiq eri, aktyor Maykl Gilden Mereditni o‘zini suratga olish maydonchasida sinab ko‘rishga ko‘ndiradi. Ular 2001-yilda turmush qurishgan va 2006-yilda vafotigacha birga yashashgan.
Bir yil o‘tgach, u fotograf Brayan Gordon bilan uchrashishni boshladi, ular 2008-yilda turmush qurishdi, keyin esa ularning qizi dunyoga keldi. Maykl Gildendan farqli o‘laroq, Mereditning ikkinchi eri ancha baland bo‘yli — ehtimol, bo‘yi sezilarli darajada farq qilgani uchun u o‘zining kichkina xotiniga shunday xavotir va muloyimlik bilan munosabatda bo‘ladiki, bu ularning birgalikdagi fotosuratlarida darhol e’tiborni tortadi.
Melinda Stivenson
TLC kanalining “Kichkina ona” shousi qahramoni — Melinda Stivensonga bolaligida axondroplaziya tashxisi qo‘yilgan, bu irsiy kasallik bo‘lib, suyaklar rivojlanmaganligi va bo‘yi past bo‘lishi bilan xarakterlanadi. Ammo kasallik uning muvaffaqiyatli radio boshlovchisi bo‘lishiga, shuningdek, sevganiga turmushga chiqishiga va uchta o‘g‘ilni dunyoga keltirishiga to‘sqinlik qilmadi. Biroq yigirma yillik turmushdan so‘ng, Melindaning eri kutilmaganda ajrashish uchun ariza berdi va u bolalari bilan yolg‘iz qoldi.
Sevimli odaming bilan xayrlashish va to‘satdan uchta bolani yolg‘iz tarbiyalash – bunday vaziyatda ko‘pchilik o‘zini yo‘qotib qo‘yishi mumkin, ammo Melinda emas.
O‘ziga ishongan va irodali ayol hayotni noldan boshladi: u eri tashlab ketganidan keyin ota-onalik mas’uliyatini oshirish uchun odatda erkaklar shug‘ullanadigan qimmatbaho mashinalar sotish biznesida muvaffaqiyat qozondi. Melinda TLC telekanalidagi Little Mom dasturiga a’zo bo‘ldi va mashhur bo‘lib ketdi.
Mavzuga doir:
Izoh (0)