Taniqli Gollivud aktrisasi Jeyn Fonda sentabr oyida unga saraton tashxisi qo‘yilganini e’lon qilgan edi. Shundan keyin aktrisa kimyoterapiya kursini boshladi, oradan uch oy vaqt o‘tib u saraton kasalligini yengganini ma’lum qildi.
“Tug‘ilgan kunimdagi eng yaxshi sovg‘a. O‘tgan hafta onkologim menga saraton kasalligim remissiyada ekanini va kimyo terapiyasini to‘xtatishim mumkinligini aytdi. O‘zimni juda baxtli his qilyapman. Meni duo qilib, yaxshi tilaklar yo‘llagan barcha muxlislarimga minnatdorchilik bildiraman. Ishonchim komilki, rollarimni ijro etaman.
Men xursandman, chunki birinchi to‘rtta kimyo terapiya men uchun juda oson kechgan bo‘lsa-da (faqat bir necha kun charchoq), oxirgi kimyoterapiya muolajasi og‘ir bo‘ldi va ikki hafta davom etdi, bu men uchun juda qiyin bo‘ldi”, — deb yozadi Gollivud aktrisasi ijtimoiy tarmoqlardagi sahifasida.
Izoh (0)