Баъзида соматотропин гормони ишлаб чиқарилишининг етишмаслиги ёки бузилиши ва бошқа генетик мутациялар одамларнинг паст бўйли бўлишига олиб келади. Бироқ бу тўлақонли ҳаётдан воз кечиш учун сабаб эмас — кичик бўйли машҳурларнинг мисоллари буни тасдиқлайди.
Уорвик Дэвис
Инглиз актёри Уорвик Дэвис ўз фаолиятини анча эрта бошлаган: 11 ёшида у «Юлдузлар жанги VI-қисм: Жедейнинг қайтиши» фильмини суратга олиш учун бўйи 122 см дан пастлар ўртасида кастинг бўлаётгани ҳақида эшитади. Уорвикнинг ўзи космик эпопеянинг мухлиси бўлганлиги сабабли кастингда қатнашади. Натижада у Уикет Уистри Уоррик исмли эвок ролини олишга муваффақ бўлади. Кейинчалик актёр франшизанинг бошқа фильмларида, шу жумладан приквел ва сиквелларнинг эпизодларида, шунингдек, кўплаб spin-offларда ўйнаш имкониятига эга бўлди.
Бироқ ёвуз гном ҳақидаги «Лапрекун» қўрқинчли фильмлар сериалидаги бош рол унга оламшумул шуҳрат келтирди.
Шундан сўнг актёрга янги таклифлар ёғила бошлади, 2010 йилда у ўзининг автобиографиясини нашр этди: «Ўлчам муҳим эмас: Уорвик Дэвиснинг ғайриоддий ҳаёти ва карьераси», сўзбошини Жорж Лукаснинг ўзи ёзган.
Актёр нафақат профессионал соҳада, балки шахсий ҳаётида ҳам омади келган: 30 йилдан бери у «Уиллоу» фильмини суратга олиш пайтида танишган Саманта Берроуз билан оила қурган — бу фильмда кичик рол ўйнаган. Актёрнинг рафиқаси ҳам паст бўйли — Уорвикнинг бўйи 1 м 7 см лигига спондилоэпифизар дисплази сабаб бўлса, эридан 17 см узунроқ Самантанинг ўзи ахондроплазиядан азият чекади. Эр-хотиннинг икки фарзанди бор — қизи Аннабел ва ўғли Харрисон, улар ҳам оталаридан дисплазияни мерос қилиб олган.
Тони Кокс
Уорвик Дэвис ва унинг америкалик ҳамкасби Тони Кокснинг умумий жиҳатлари жуда кўп: иккала актёр ҳам «Жедайнинг қайтиши», «Уиллоу» ва «Лапрекон»нинг иккинчи қисмида ўйнаган, уларнинг бўйи ҳам бир хил. Тўғри, Уорикдан фарқли ўлароқ, Тони дастлаб мусиқа билан шуғулланган — мактабда у ноғора чалишни яхши кўрарди, аммо экранда бўйи 114 см бўлган машҳур актёр Билли Бартининг ижросини кўргач, унда ҳам актёр бўлиш истаги туғилади: 1980 йилдан бери у ўнлаб ролларни ўйнашга муваффақ бўлди.
Унинг иштирокидаги сўнгги фильм 2016 йилда экранларга чиққан «Ёмон Санта» фильмининг сиквели — бу фильм 13 йил олдин унга оламшумул машҳурлик олиб келганди.
Тони ўзининг бўлажак рафиқаси Отелия билан ҳали ўрта мактабда ўқиб юрганида танишган, гарчи дастлаб улар шунчаки дўст бўлишган, лекин ўқишни тугатгандан сўнг учраша бошлашган. Тўй 1981 йилда, актёр 23 ёшдалигида бўлган. Кўплаб матбуот интервьюларида Тони Отелия усиз яшай олмайдиган ягона инсони эканини бир неча бор таъкидлаган. Эр-хотин 40 йилдан ортиқ бирга. Улар ота-она сифатида фарзандини оммавий ахборот воситаларининг эътиборидан астойдил ҳимоя қилишади, шунинг учун у ҳақида ҳеч нарса маълум эмас.
Мередит Итон
Қийинчиликларни енгиш, карьера қилиш ва жуда кичик бўйли бахтли оила яратиш нафақат эркакларнинг, балки аёлларнинг ҳам қўлидан келади — бўйи 122 см бўлган америкалик актриса Мередит Итон буни ўз мисолида исботлади.
1999 йилда у ўзининг биринчи иши — «Виктор Фоксни ким ўлдирган?» фильмида Моди Бисли ролини ўйнайди. Шуниси эътиборга лойиқки, Мередит биринчи кастингдаёқ АҚШ, Канада ва Буюк Британиядан келган беш юздан ортиқ рақобатчилардан ўзиб кетишга муваффақ бўлди. Бу рол унга муваффақият келтирди, шундан сўнг бошқа фильмлар ва телевизион лойиҳаларда иштирок этишга таклифлар кўпайди.
Айтганча, унинг собиқ эри, актёр Майкл Гилден Мередитни ўзини суратга олиш майдончасида синаб кўришга кўндиради. Улар 2001 йилда турмуш қуришган ва 2006 йилда вафотигача бирга яшашган.
Бир йил ўтгач, у фотограф Брайан Гордон билан учрашишни бошлади, улар 2008 йилда турмуш қуришди, кейин эса уларнинг қизи дунёга келди. Майкл Гилдендан фарқли ўлароқ, Мередитнинг иккинчи эри анча баланд бўйли — эҳтимол, бўйи сезиларли даражада фарқ қилгани учун у ўзининг кичкина хотинига шундай хавотир ва мулойимлик билан муносабатда бўладики, бу уларнинг биргаликдаги фотосуратларида дарҳол эътиборни тортади.
Мелинда Стивенсон
TLC каналининг «Кичкина она» шоуси қаҳрамони — Мелинда Стивенсонга болалигида ахондроплазия ташхиси қўйилган, бу ирсий касаллик бўлиб, суяклар ривожланмаганлиги ва бўйи паст бўлиши билан характерланади. Аммо касаллик унинг муваффақиятли радио бошловчиси бўлишига, шунингдек, севганига турмушга чиқишига ва учта ўғилни дунёга келтиришига тўсқинлик қилмади. Бироқ йигирма йиллик турмушдан сўнг, Мелинданинг эри кутилмаганда ажрашиш учун ариза берди ва у болалари билан ёлғиз қолди.
Севимли одаминг билан хайрлашиш ва тўсатдан учта болани ёлғиз тарбиялаш – бундай вазиятда кўпчилик ўзини йўқотиб қўйиши мумкин, аммо Мелинда эмас.
Ўзига ишонган ва иродали аёл ҳаётни нолдан бошлади: у эри ташлаб кетганидан кейин ота-оналик масъулиятини ошириш учун одатда эркаклар шуғулланадиган қимматбаҳо машиналар сотиш бизнесида муваффақият қозонди. Мелинда TLC телеканалидаги Little Mom дастурига аъзо бўлди ва машҳур бўлиб кетди.
Мавзуга доир:
Изоҳ (0)