Yaqinda 60 yoshga to‘lgan jozibali Demi Murga qarab keksalikdan qo‘rqmaslik kerakligini tushunasiz. Aktrisaning ta’kidlashicha, uning bunday ko‘rinishiga 49 yoshidan boshlab o‘z ustida ishlagani natijasidir. Uning so‘zlariga ko‘ra, ulg‘aygan sari go‘zallik yosh ko‘rinishga emas, balki his-tuyg‘ularga bevosita bog‘liqligini tushundi. Uning usullari haqiqatan ham ishlayotganini hisobga olib, ularni siz bilan baham ko‘ramiz.
Yomon fikrlar va salbiy his-tuyg‘ularni o‘ylamaydi
Demi Mur boshdan kechirgan his-tuyg‘ular va tajribalarimiz tashqi ko‘rinishimizda aks etadi, deb hisoblaydi. Shuning uchun yaxshi ko‘rinish uchun barcha salbiy fikrlar va his-tuyg‘ulardan xalos bo‘lishingiz kerak. U shunday deydi:
Agar xafagarchilik, g‘azab, og‘riq yoki xasadni ichimizda saqlasak, bu tashqi tomondan yoshga yosh qo‘shadi.Salbiy his-tuyg‘ularni boshdan kechirmaslikning iloji bo‘lmasa-da, Mur asosiysi ularga yopishib olmaslik ekanligiga ishonadi.
Uyda “aqlli” fitnes oyna bilan mashq qiladi
Faoliyati davomida aktrisa ko‘pincha mukammal ko‘rinishda bo‘lishi kerak bo‘lgan qahramonlarni gavdalantirgan. Masalan, suratga olishga tayyorgarlik ko‘rish chog‘ida Mur tong otguncha plyajda yugurib, yoga bilan shug‘ullangan va kuniga 3 soat raqsga tushgan. “Askar Jeyn” filmidagi rol uchun u kuniga 2 soat mashq qilgan.
Ammo ma’lum bo‘lishicha, kundalik hayotda Mur sport zaliga doim ham boravermaydi. 2019-yildan beri zalga boormaganini aytadi.
Yaqinda bir videoda aktrisa “aqlli” oyna simulyatori yordamida yana fitnes bilan shug‘ullanishini aytib o‘tdi. Ushbu yuqori texnologiyali qurilma mashqlarni uyda bajarishga imkon beradi va hatto shaxsiy murabbiy o‘rnini ham bosadi. Dars tugagach, mashq oynasi oddiy mebelga aylanadi.
“Qancha sodda bo‘lsa, shuncha yaxshi” tamoyiliga amal qiladi
Terini parvarish qilish haqida Demi Mur quyidagilarni aytadi:
Mening sirim “qancha sodda bo‘lsa, shuncha yaxshi” jumlasida. Agar o‘z-o‘zini parvarish qilish qoidalari oddiy bo‘lsa, ularga rioya qilish ancha oson bo‘ladi.U, shuningdek, go‘zallikning hech qanday siri yo‘qligini, eng muhimi, yaxshi kosmetologga murojaat qilish lozimligini qo‘shimcha qiladi. Uning kosmetologi odatda unga samarali va tabiiy ingrediyentlarga asoslangan mahsulotlarni tavsiya qiladi.
Aql va tana bir bo‘lishini ta’minlaydi
Yuqorida aytib o‘tganimizdek, Mur go‘zalligini saqlab qolish uchun ko‘p kuch sarflamaydi, chunki u go‘zallik insonning ichidan paydo bo‘lishiga ishonadi.
Demi shunday deydi:
Tashqi ko‘rinishingiz bilan xohlagan narsa qilishingiz mumkin. Ammo o‘zingizni yomon his qilsangiz, tashqi ko‘rinishingizga nima qilsangiz ham, yetarli bo‘lmaydi.O‘zining ichki pokligini saqlab qolish uchun aktrisa muntazam ravishda energiya davolovchi bilan ishlaydi, uning fikriga ko‘ra, mashg‘ulotlar unga tana va ongning birligini his qilish imkoniyatini beradi.
Qarishga qarshilik qilmaydi
Garchi Demi ajoyib ko‘rinadi deb o‘ylasak ham, uning o‘zi bunday deb o‘ylamaydi. Yaqinda 60 yoshga kirgan yulduz shunday deydi:
Men anchadan beri avvalgidek ajoyib jismoniy formada emasman va terim ham idealdan yiroq.Ammo aktrisaning ta’kidlashicha, qarish bilan kurashish va vaqtni orqaga qaytarish o‘rniga, u birinchi navbatda o‘zini qanday bo‘lsa shundayligicha qabul qilish ustida ishlamoqda. Ehtimol, uning hozirgi ko‘rinishi o‘zini sevish va qabul qilish qarorining natijasidir.
Mavzuga doir:
- “O‘rtadagi 13 yosh farq pasportdagi raqamlar xolos”: aktyor Xyu Jekman rafiqasi bilan birga o‘tkazgan yaxshi-yomon kunlari haqida
- “Mening eng xavfli dushmanim o‘zim ekanimni bilaman” — aktrisa va xonanda Lindsi Lohan 3 yoshida boshlangan karyerasidagi tub burilishlar haqida
- Emiliya Klark, Kemeron Diaz va yana kinoga qaytishga qaror qilgan boshqa yulduzlar (foto)
Izoh (0)