Markaziy Afrika Respublikasi (MAR) poytaxti Bangui shahrida “Rossiya uyi” madaniyat markazi rahbari Dmitriy Sitiyga suiqasd uyushtirildi. Bu haqda BBC xabar berdi.
Ma’lum qilinishicha, Sitiy portlovchi moddalar solingan anonim paketni olgan. Ma’lumotni Rossiyaning Markaziy Afrika Respublikasidagi elchixonasi matbuot attashesi Vladislav Ilyin tasdiqlagan.
“Jo‘natma 16-dekabr kuni ertalab Sitiyning qo‘lida portlagan, u hozir kasalxonada”, — deydi Ilyin.
Hodisa tafsilotlariga aniqlik kiritilmagan. BBC suhbatdoshining so‘zlariga ko‘ra, Sitiy Markaziy Afrika Respublikasi prezidentining xavfsizlik bo‘yicha yordamchisi Valeriy Zaxarovga hamroh bo‘lgan.
2019-yil 6-fevralda MAR hukumati va qurolli guruhlar vakillari uzoq muddatli mojaroga barham berishi kerak bo‘lgan tinchlik bitimini imzoladi. 2020-yil dekabrda mamlakatda prezidentlik saylovi bo‘lib o‘tdi. Amaldagi davlat rahbari Fosten Arkanj Tuadera birinchi turda 53,16 foiz ovoz bilan g‘alaba qozondi.
Muxolifat va qurolli isyonchi guruhlar ovoz berish natijalarini tan olmadi. Hukumat isyonchilarning Bangiga hujum qilmoqchiligi haqida xabar berdi. Markaziy Afrika Respublikasining Rossiyadagi elchisi Leon Dodonu-Punagaza hududning 95 foizi rasmiylar nazoratidaligi, biroq ba’zi joylarda isyonchilar qarshilik ko‘rsatayotganini aytdi.
Mavzuga doir: Ukraina elchixonalariga bombalar va hayvonlar a’zolari solingan 18 ta posilka jo‘natilgan
Izoh (0)