Fransiyaning Lion shahri sharqiy chekkasida joylashgan Vols-an-Veleyn kommunasida yong‘in sodir chiqib, o‘n kishi, jumladan, besh nafar bola halok bo‘ldi. Bu haqda Fransiya rasmiylariga tayanib “France.info” xabar bermoqda.
Fransiya ichki ishlar vaziri Jerald Darmaninning so‘zlariga ko‘ra, halok bo‘lgan bolalar 3—15 yosh orasida edi.
Mahalliy hokimiyat ma’lumotlariga ko‘ra, 14 kishi, jumladan ikkita o‘t o‘chiruvchi jarohatlangan. To‘rt nafar jabrlanuvchining ahvoli og‘ir deb baholanmoqda.
Yong‘in Toshkent vaqti bilan ertalabki 7:00 atrofida yetti qavatli turar joy binosida boshlangan. Yong‘in sabablari hozircha noma’lum.
Shuningdek, bugun, 16-noyabr kuni Turkiyada yonidan politsiya mashinasi o‘tayotgan avtomobil portlab ketgani, oqibatda politsiya mashinasi ag‘darilib, 8 nafar politsiyachi jarohatlangani haqida xabar berilgandi.
Rossiyaning Xabarovsk o‘lkasi Nanay tumanida esa shaharlararo qatnovchi avtobus ag‘darilishi oqibatida sakkiz kishi halok bo‘ldi.
Izoh (0)