Xorijda qiyin ahvolga tushganlarning ko‘pchiligini ishlash uchun norasmiy ketganlar tashkil qiladi. Bu haqda AOKAda bo‘lib o‘tgan matbuot anjumanida Tashqi mehnat migratsiyasi agentligi boshlig‘i Afzal Ermatov ma’lum qildi.
Afzal Ermatovning aytishicha, chet elga ishlash uchun rasmiy ravishda ketgan fuqarolar orasida aldangan va og‘ir ahvolga tushganlari deyarli yo‘q.
Xorijda qiyin ahvolga tushib qolgan fuqarolarning aksariyati o‘zlari norasmiy ravishda ketgan, aldanib qolganlardir. Yaqinda Yevropa davlatlariga ishlash uchun borgan o‘zbek muhojirlarni monitoring guruhimiz borib, o‘rganib keldi. Ular Farg‘onadagi konsalting kompaniyasi orqali u yerlarga ketgan. Yana Angliyaga ham shu tarzda norasmiy ketganlar bor. Ya’ni ular 5 ming dollardan pul berib chet elga ketgan.Avvalroq Bandlik va mehnat munosabatlari vazirligi boshqarma boshlig‘i Zohid Asqarov ayrim firibgarlar chet elga ishlash uchun yuborishini aytib fuqarolardan 6 ming dollargacha pul olayotganini aytgandi.O‘sha kompaniyalar faqatgina saytdan ma’lumotlarni to‘ldirib beradi yoki telefon qilib suhbat o‘tkazadi xolos. Shu saytdan ro‘yxatdan o‘tkazgani uchun fuqarolarni aldaydi. Ular o‘zlarini tanishlari orqali fuqarolarni jalb qiladi. Biz davlat tomonidan yuborilgan muhojirlar xorijda qiyin ahvolga tushib qoldi degan fikr noto‘g‘ri. Ko‘p odamlar 5 ming dollar bersam aniq ketaman, deb o‘ylaydi. Bundaylarni esa “ishga jo‘natadigan odamlar” ko‘p”, – dedi agentlik rasmiysi.
O‘zbekistonda xususiy bandlik agentliklari to‘g‘risidagi qonunga ko‘ra, hozirda respublika bo‘yicha 7 ta yuridik shaxs xorijda mehnat faoliyatini olib bormoqchi bo‘lgan fuqarolarni ishga joylashtirish huquqiga ega. Ularga vazirlikning tegishli litsenziya berilgan. Qonunda bunday agentliklar ko‘rsatgan xizmatlari uchun fuqarolardan pul olishga haqi yo‘qligi belgilab qo‘yilgan. Ya’ni ular faqat axborot va maslahat xizmatlari uchun BHMning 1 baravari miqdorida, ya’ni 300 ming so‘m pul olishga haqli xolos. Bundan ortiq bir so‘m ham olishga haqli emas.Vazirlik rasmiymi fuqarolardan agar shunday holatlarga duch kelinsa, vazirlik va agentlikka murojaat qilish zarurligini eslatgan.Afsuski, so‘nggi paytlarda konsalting xizmati, ishchi viza olib berish xizmati, degan turli xil xizmatlarni ko‘rsatish niqobi ostida fuqarolardan 1 million so‘mdan 5-6 ming AQSH dollarigacha pul olish holatlari ko‘paymoqda. Bu borada kelib tushgan murojaatlar asosida tekshirishlar o‘tkazib, noqonuniy faoliyat yuritayotgan tashkilotlarga nisbatan choralar ko‘rilyapti. Ya’ni qonun bilan belgilangan ma’muriy jarimalar mavjud”, – degan mutaxassis.
Izoh (0)