Rossiyaning Bryansk sudi Ukraina tomonida jang qilmoqchi bo‘lgan 29 yoshli erkakni 5 yilga qattiq rejimli koloniyaga hukm qildi. Bu haqda “RIA Novosti” xabar berdi.
“Bryansk viloyat sudi Udmurt rezidentini Rossiyaga qarshi jangovar harakatlarda qatnashishga uringanlikda aybladi. Aybdor shaxs 5 yil muddatga ozodlikdan mahrum qilinib, jazoni axloq tuzatish koloniyasida o‘tashga hukm qilindi”, deyiladi xabarda.
Ta’kidlanishicha, erkak Rossiya ichki va tashqi siyosatining faol muxolifi bo‘lgan. U Ukrainaga Rossiyaga qarshi qilish uchun ketmoqchi bo‘lganida chegarachilar tomonidan qo‘lga olingan. Sud hukmi qonuniy kuchga kirmagan. Sud jarayonida Rossiyaga qarshi jang qilmoqchi bo‘lgan yana to‘rtta ish o‘rganilmoqda.
Rossiyada armiya haqida “soxta” xabar tarqatgan siyosatchi 8,5 yilga qamalgandi. U rus harbiylari Buchani egallagach tinch aholi o‘ldirilganini aytgandi va unga nisbatan keltirilgan ayblovlarni rad etgan.
Shuningdek, Rossiyada fuqaro Zelenskiy haqidagi tushini aytib bergani uchun armiyani “obro‘sizlantirish” moddasi bilan jarimaga tortilgan. Chitalik fuqaro tomonidan Instagram’da aytib berilgan tush safarbarlik haqida bo‘lgan.
Izoh (0)