Turkiyada falastinlik arablarni kuzatgan Isroilga aloqador josuslik tarmog‘ining 44 nafar a’zosi qo‘lga olindi. Bu haqda Israel National News xabar berdi.
Ma‘lum qilinishicha, josuslikda ayblanayotganlarning 7 nafari hibsga olingan. Hozirda yana 13 kishini qidirish ishlari davom etmoqda. Josuslik guruhi Turkiyada istiqomat qilayotgan Falastin ma’muriyati muhojirlarini kuzatgan.
Turkiya kontrrazvedkasi ma’lumotiga ko‘ra, bu odamlar Mossad (Isroil razvedkasi) tomonidan falastinlik arablar, shuningdek, ularning ishini qo‘llab-quvvatlovchi bir qator nodavlat tashkilotlarga josuslik qilish uchun yollangan. Tarmoqni fosh etish bo‘yicha operatsiya shu hafta boshida boshlangandi. Hibsga olingan gumonlanuvchilar orasida xususiy tergovchilar uyushmasi a’zolari ham bor, ular o‘zlariga qo‘yilgan ayblarni tasdiqlagan.
Mavzuga doir: Eron Isroil razvedkasiga aloqadorlikda ayblangan 4 kishini qatl qildi
Izoh (0)