Yaqin kelajakda Twitter uzoq yillar davomida tizimga kirmagan 1,5 milliard akkauntni o‘chirib tashlaydi. Bu haqda ijtimoiy tarmoq egasi, biznesmen Ilon Mask o‘z sahifasida xabar berdi.
Twitter yaqinda 1,5 milliard akkaunt band qilgan joyni tozalay boshlaydi. Gap yillar davomida hech qanday tvit yozmagan va tizimga kirmagan akkauntlarni o‘chirib tashlash haqida ketmoqda, — deb tushuntirdi u.
Ilon Mask Twitter’ni sotib olish bo‘yicha kelishuvni 27-oktabr kuni yakunlab, kompaniya uchun 44 milliard dollar to‘lagan.
Shundan so‘ng tadbirkor ijtimoiy tarmoq xodimlarining yarmiga yaqinini ishdan bo‘shatdi, qolganlarni esa yuqori intensivlik bilan ishlash kerakligi haqida ogohlantirdi.
OAV xabarlariga ko‘ra, ushbu voqealar fonida platforma faoliyatini saqlab qolish uchun muhim bo‘lgan ko‘plab xodimlar Twitter’ni tark etgan.
Avvalroq Ilon Mask nima sababdan Twitter foydalanuvchilari soni kamayib borayotganini aytgani haqida xabar berilgandi.
Izoh (0)