Ijtimoiy tarmoqlarda Mahallabay ishlash va tadbirkorlikni rivojlantirish agentligi tenderlari shubhali tarzda o‘tkazilgani haqida turli xabarlar tarqaldi. Agentlik holatga munosabat bildirdi.
Ma’lum qilinishicha, tadbirkorlik va o‘zini o‘zi band qilish faoliyatini boshlamoqchi bo‘lgan ishsiz, shu jumladan, “temir daftar”, “ayollar daftari” va “yoshlar daftari”ga kiritilgan fuqarolarga faoliyatini boshlash uchun kerak bo‘lgan asbob-uskuna, mehnat qurollarini xarid qilish O‘zbekiston Respublikasi Vazirlar Mahkamasining 2022-yil 11-maydagi 252-sonli qaroriga asosan Elektron davlat xaridlari portali orqali amalga oshirilishi belgilangan.
Hozirda Mahallabay ishlash va tadbirkorlikni rivojlantirish agentligi mutaxassislari tomonidan Monopoliyaga qarshi kurashish qo‘mitasi xodimlari bilan hamkorlikda agentlikning Toshkent shahar boshqarmasi tomonidan ushbu davlat xaridlarini amalga oshirishda “Davlat xaridlari to‘g‘risida”gi qonuni hamda yuqorida ko‘rsatilgan Vazirlar Mahkamasining qarori talablariga rioya etilishi yuzasidan o‘rganish o‘tkazilmoqda.
Shuningdek, Mahallabay ishlash va tadbirkorlikni rivojlantirish agentligining hududiy boshqarmalarida subsidiya hisobidan amalga oshirilayotgan davlat xaridlarini to‘g‘ri o‘tkazish yuzasidan nazorat tadbirlarini o‘tkazish rejalashtirilmoqda.
Izoh (0)