Toshkentdan Xivaga qo‘shimcha yo‘lovchi poyezd qatnovi yo‘lga qo‘yiladi

Toshkent—Xiva—Toshkent yo‘nalishi bo‘yicha 12-dekabrdan boshlab qo‘shimcha yo‘lovchi poyezd qatnovi yo‘lga qo‘yiladi. Bu haqda “O‘ztemiryo‘lyo‘lovchi” axborot xizmati xabar berdi.

Qayd etilishicha, 76-sonli Toshkent—Xiva yo‘nalishi 12-dekabr sanasidan boshlab haftaning har dushanba kuni quyidagi jadval asosida harakatlanadi:

Toshkent 14:00 — Xiva 04:57.

75-sonli Xiva—Toshkent yo‘nalishi 13-dekabr sanasidan boshlab haftaning har seshanba kuni quyidagi jadval asosida harakatlanadi:

Xiva 14:47 — Toshkent 06:34.

Qo‘shimcha ma’lumotni Toshkent shahridagi 1005 qisqa telefon raqami, joylardagi temiryo‘l kassalari hamda ma’lumotlar byurosidan bilib olish mumkin. Chiptalarni nafaqat temiryo‘l kassalaridan yoki elektron tarzda ushbu havola orqali xarid qilish imkoni mavjud.

Mavzuga doir: 

• Toshkent va Qo‘ng‘irot shaharlarini bog‘lovchi poyezd jadvaliga o‘zgartirishlar kiritildi
• “Afrosiyob” poyezdlarining ayrim qatnovlari vaqtincha bekor qilinadi
• Toshkent—Samarqand yo‘nalishidagi “Afrosiyob” elektropoyezdi endi Jizzaxda ham to‘xtab o‘tadi