Surxondaryoda Malibu-2 va Cobalt to‘qnashib, yo‘lovchi shifoxonaga yotqizildi
Surxondaryo viloyati Jarqo‘rg‘on tumanida 2-dekabr kuni Malibu-2 va Cobalt avtomobillari to‘qnashdi. YTH yuzasidan viloyat yo‘l harakati xavfsizligi boshqarmasi axborot xizmati ma’lumot berdi.
Qayd etilishicha, 15:00 da Jarqo‘rg‘on tumanining “Qorayantoq” mahallasi hududidan o‘tuvchi yo‘lda 1997-yilda tug‘ilgan fuqaro A.S. boshqaruvidagi Malibu-2 avtomobilida o‘ziga qarama-qarshi bo‘lakdan harakatlanib kelayotgan, 1995-yilda tug‘ilgan M.S. boshqaruvidagi Cobalt transport vositasining harkatlanish bo‘lagiga chiqib ketishi oqibatida yo‘l-transport hodisasi sodir bo‘lgan.
Oqibatda Cobalt yo‘lovchisi — 1993-yilda tug‘ilgan M.A. tan jarohati olib, tuman shifoxonasiga yotqizilgan. Hozirda holat yuzasidan tuman IIB tergov guruhi tomonidan tergovga qadar surishtiruv ishlari olib borilmoqda.
Mavzuga doir:
- Toshkentda Mercedes-Benz va Lacetti to‘qnashib ketdi
- Navoiyda prokurorning xizmat mashinasi YTHga uchradi
- Toshkentda YTH sabab halok bo‘lgan yigitning onasi tergovchilarni ishni bosti-bosti qilishda ayblamoqda
