Turkiya Suriyada quruqlik operatsiyalarini boshlashi mumkin

Turkiya prezidenti Rajab Toyyib Erdo‘g‘on Anqara Suriyada quruqlik operatsiyasini boshlashi mumkinligini aytdi. Bu haqda Al-Arabiya xabar berdi.

Prezidentning so‘zlariga ko‘ra, mazkur qaror Suriyadan Turkiyadagi shaharchaga raketa cuhirilishi sababli qabul qilinishi mumkin. “Suriyda hozirda olib borilayotgan operatsiya faqat havo amaliyoti bilan chegaralanadi, degan shubha yo‘q», — dedi Erdo‘g‘on Qatardan Turkiyaga qaytayotganda jurnalistlarga.

Turkiya 20-noybar kuni Suriya va Iroq shimolidagi kurd jangarilarining bazalariga havodan zarbalar berdi. Aviazarbalar natijasida 89 ta nishon, jumladan, boshpana va o‘q-dorilar ombori yo‘q qilindi. Uch nafar suriyalik halok bo‘ldi. Suriyaning SANA davlat agentligi Aleppo va Hasek viloyatlarida bir necha askar halok bo‘lganini ma’lum qildi. Operatsiyaga 50 dan ortiq samolyot va 20 ta dron jalb qilingandi.

21-noyabr kuni Turkiyaning Karkamish shahrida Suriya hududidan raketa uchirildi. Hodisa oqibatda uch kishi, jumladan, bir bola halok bo‘ldi. Raketalar maktab va yuk mashinasi ustiga qulagan, uylar va bog‘lar ham zarar ko‘rgan.