Madridda bo‘lib o‘tayotgan NATO Parlament Assambleyasida Rossiya terrorchi davlat sifatida tan olindi. Bu haqda “Xalq xizmatkori” fraksiyasi xalq deputati, Ukrainaning NATO assambleyadagi doimiy delegatsiyasi rahbari Yegor Cherneyev ma’lum qildi.
Parlament assambleyasida Rossiya hujumiga qarshi xalqaro tribunal yaratish ilgari surildi.
“NATOning barcha 30 ta davlati delegatsiyamiz takliflarini qo‘llab-quvvatladi. Bunday tribunal nafaqat harbiy jinoyatlarning bevosita aybdorlarini, balki Rossiya oliy rahbariyatini ham hukm qilish imkonini beradi. Rezolyutsiya NATOga a’zo barcha mamlakatlar hukumatlari va parlamentlariga yuboriladi”, — dedi Yegor Cherneyev.
Uning so‘zlariga ko‘ra, NATO Parlament assambleyasi rezolyutsiyasida Ukraina uchun bir qancha muhim qarorlar bor. Ular quyidagilarni o‘z ichiga oladi:
- Ukrainaga qurol yetkazib berish hajmini oshirish;
- Ukrainaning NATOga kirishi uchun aniq qadamlarni ishlab chiqish;
- Ukrainaga yetkazilgan zarar uchun Rossiyadan tovon undirish mexanizmini yaratish.
18-noyabr kuni Yevroparlament Rossiyani “terrorizm homiysi ”deb tan olish haqidagi rezolyutsiyani tayyorlagandi. Yevroparlament siyosiy guruhlari o‘rtasida to‘rt soat davom etgan muzokaralardan so‘ng rezolyutsiya matni bo‘yicha kelishuvga erishilgan. Yevroparlament kun tartibi bo‘yicha rezolyutsiyaga ovoz berish 23-noyabrga belgilangan.
Izoh (0)