NATO bosh kotibi Yens Stoltenberg 21-noyabr kuni alyans parlament assambleyasi nutqida Rossiya va Ukrainani chalkashtirib yubordi. NATO matbuot xizmati uning nutqini translyatsiya qildi.
Ma’lum qilinishicha, assambleyada Ukrainadagi vaziyat 1,5 soat davomida muhokama qilindi.
“Hech kim Ukrainani qo‘llab-quvvatlamasligi kerak, kechiring, Rossiyaning Ukrainaga bo‘lgan tajovuzkorligini. Bu NATOning Xitoyga aniq signali bo‘lishi zarur”, — degan Stoltenberg.
NATO Bosh kotibi Kiyevga harbiy yordamni har tomonlama kengaytirishni davom ettirishga chaqirdi. Uning fikricha, NATO Rossiya hujum boshlamasidan oldin Ukrainaga ko‘proq harbiy yordam ko‘rsatishi kerak edi.
Ta’kidlanishicha, alyans mojaroning “Ukrainaga ma’qul bo‘ladigan” tinch yo‘l bilan hal etilishini qo‘llab-quvvatlaydi va shu maqsadda Kiyev uchun yirik harbiy yordamni ta’minlashga va askarlarni o‘qitishga harakat qiladi.
Eslatib o‘tamiz, avvalroq NATO bosh kotibi Yens Stoltenberg G‘arb yetakchilarini Rossiyaning harbiy salohiyatini past baholamaslikka chaqirgandi. U Rossiya Ukraina shaharlariga hujum qilish va zarba berish uchun hali ham salohiyat va kuchga egaligini qayd etgan.
Izoh (0)