The Times: Britaniya Rossiya neftini sotib olishda davom etmoqda

Britaniyalik importchilar Rossiya neftini sotib olishda davom etmoqda. Bu haqda The Times nashri xabar bermoqda. 

Nashr ma’lumotlariga ko‘ra, neft Gretsiya, Germaniya, Niderlandiya yoki boshqa mamlakatlarda bir kemadan boshqasiga o‘tkazilganligi sababli import Yevropaga tegishli bo‘lib qolgan. 

Umuman olganda, mart oyidan buyon Buyuk Britaniya 778 million funt sterlinglik Rossiya neftini sotib olgan. 

Shu davr mobaynida Rossiyadan qiymati 200 million funt sterlingdan ortiq energiya tashuvchisi bo‘lgan 39 ta tanker mamlakatga yetib kelgan.

Iyul va iyun oylarida yetkazib berish 80 million funt sterlingga baholangan, ammo rasmiy ma’lumotlarga ko‘ra, London Moskvadan neft sotib olmagan. Buyuk Britaniyada 5-dekabrdan boshlab Rossiya neftini import qilish taqiqlanadi. 

Yevropa portlarida neftni qayta yuklash sxemasi dengiz qonunchiligini buzmaydi, chunki kompaniyalar ishlab chiqaruvchini emas, balki energiya tashuvchisi yuborilgan mamlakatni ko‘rsatishi kerak. Britaniyada ham 5-dekabrdan so‘ng import xuddi shu ko‘rinishda davom etishi mumkin.

Mavzuga doir:

• G7 davlatlari 23-noyabr kuni Rossiya nefti narxining maksimal darajasini e’lon qilmoqchi — Bloomberg
• Turkiyaning yangi talablari Rossiya neft eksportiga to‘sqinlik qilishi kutilmoqda
• Rossiya xoldingi O‘zbekistonda neft va gaz konlarini topdi