Alisher Usmonovning USM Gold kompaniyasi oltin qazib olishga sarmoya kiritishda yangi loyihalar izlashni to‘xtatdi va xodimlarni ishdan bo‘shatdi. Bu haqda “RBK” xabar bermoqda.
2022-yil avgust oyida butun USM xolding rahbarligiga Yerko‘ja Akilbek tayinlangan. Xoldingda 15 ga yaqin kishi ishlagan, ya’ni loyiha startap maqomiga ega edi. Hozirda kompaniya tomonidan 2022-yil yanvar oyida yaratilgan saytlarning hech biri faol emas.
Ma’lumotlarga ko‘ra, USM Gold jamoasi Rossiya, O‘zbekiston va Qozog‘istonda oltin qazib olish va geologiya-razvedka litsenziyalari bo‘yicha mavjud loyihalarni ko‘rib chiqqan.
Ammo rahbariyat aksiyadorlarga potensial qiziqarli aktivlarni taqdim etgandan so‘ng, ularni sotib olmaslikka qaror qilindi va loyiha jamoasi ishdan bo‘shatilgan.
Urush boshlanganidan keyin mavjud loyihalariga ta’sir ko‘rsatgan G‘arb sanksiyalari ortidan o‘zgarib borayotgan bozor sharoitlarida USM aksiyadorlari yangi oltin qazib olish sektoriga kirmaslikka qaror qildi.
Oltin aktivlarini qidirishni to‘xtatildi, chunki sheriklar xolding ushbu biznesga kirishi kerak yoki yo‘qligi haqida bir to‘xtamga kela olmagan. Shundan so‘ng, xolding o‘zi uchun manfaatli bo‘lgan asosiy loyihalarga e’tibor qaratishga qaror qilgan.
Avvalroq O‘zbekiston Yevropa Ittifoqidan Alisher Usmonovga nisbatan sanksiyalarni bekor qilishni so‘rayotgani haqida xabar berilgandi.
Izoh (0)