Rossiyaning Ukrainadagi urushining to‘qqizinchi oyida Yevroittifoqda gaz narxining pasayishi kuzatilmoqda. Bu haqda Bloomberg xabar bermoqda.
Shuningdek, Yevropa Ittifoqi mamlakatlarida qulay havo harorati tufayli isitish mavsumi kechiktirishi va gaz narxiga ijobiy ta’sir ko‘rsatishi ta’kidlandi.
Asosiy fyucherslar narxi 17-noyabr, payshanba kuni 10,2 foizga tushganidan keyin yana 1,2 foizga pasaydi.
Hisobotda aytilishicha, Yevropadagi gaz omborlari deyarli to‘la — ular qishda bufer vazifasini bajarishi kerak.
O‘rtacha harorat va yuqori LNG importi so‘nggi haftalarda yetkazib berish bilan bog‘liq xavotirlarni yengillashtirdi. Ammo agar sovuq keskin talabni oshirsa, zaxiralar tezda tugashi mumkin.
Ba’zi tahlilchilar, agar ob-havo yaxshi bo‘lsa, Yevropa Rossiyaning cheklangan ta’minoti bilan birinchi qishdan o‘tishi mumkinligini taxmin qilmoqda.
Ammo o‘zgaruvchanlik saqlanib qolmoqda va gaz narxi so‘nggi besh yildagi o‘rtacha ko‘rsatkichdan uch baravar oshgan. Mutaxassislar va rasmiylar aholini energiyani tejashga chaqirishda davom etmoqda.
Shu bilan birga, YI kelasi hafta energetika vazirlarining uchrashuvi oldidan gaz narxining keskin ko‘tarilishini cheklash bo‘yicha muzokaralarni davom ettirmoqda.
Avvalroq Yevropa isitish mavsumi uchun yer osti omoborlaridan gaz olishni boshlagani haqida xabar berilgandi.
Izoh (1)
Хамма гапирсаям шу гапирмасаде мол бунга эслатиш кере Азияда асосан мусулмонлар яшашлигини бир пайтлар шунга бойкот кганидик одам эмас бу