Bloomberg: Mask Twitter’da yangi ishdan bo‘shatishlarni rejalashtirmoqda

Twitter’ning yangi rahbari Ilon Mask 21-noyabr, dushanba kuni ishdan bo‘shatishning navbatdagi to‘lqinini o‘tkazishi mumkin. Bu haqda Bloomberg xabar bermoqda. 

Agentlik ma’lumotlariga ko‘ra, qisqartirishlar savdo va sheriklik bilan shug‘ullanadigan xodimlarga ta’sir qilishi mumkin.

Ta’kidlanishicha, Mask xodimlarga ish vaqtini oshirish bo‘yicha ultimatum qo‘ygan. Aks holda ular ishdan bo‘shatiladi. 

Mask sotuvlar va hamkorlik bo‘limlari rahbarlaridan xodimlarni qisqartirishni so‘ragan. Biroq ularning ikkisi ham buni qilishdan bosh tortgan va shu sabab ishdan olingan. 

Oktabr oyi oxirida Ilon Mask Twitter’ni 44 milliard dollarga sotib oldi. Shundan so‘ng kompaniya xodimlarining yarmini ishdan bo‘shatdi. 

Milliarder moderatsiya qoidalarini yumshatishga va foydalanuvchini tekshirish qoidalarini qayta ko‘rib chiqishga va’da bergan.

Mavzuga doir: 

• Xodimlarning ommaviy ravishda ishdan ketishi oqibatida Twitter’da uzilishlar ro‘y beradi — Bloomberg
• Mask Twitter’da uzun postlar yaratish funksiyasi paydo bo‘lishini e’lon qildi