Toshkent viloyatidagi parranda fabrikasi 35 mlrd so‘mga auksionga qo‘yildi

Toshkent viloyati, Zangiota tumanidagi parranda fabrikasi kimoshdi savdosiga qo‘yildi. Lot ma’lumotlari “E-auskion” portalida e’lon qilingan. 

Fabrika auksionga Davlat aktivlarini boshqarish agentligining Toshkent viloyat hududiy boshqarmasi tomonidan joylashtirilgan. 

Binoning yer maydoni 20 gektardan oshiq. Unda suv, gaz, elektr energiyasi ta’minoti mavjud, kanalizatsiya tizimi esa yo‘lga qo‘yilmagan. 

Lot izohida yozilishicha, binoni auksionda yutib olgan g‘olibga parrandachilik faoliyatini saqlab qolish majburiyati qo‘yiladi.  

Auksionga qo‘yilgan inshootning boshlang‘ich bahosi — 35,2 mlrd so‘m. Arizalar 19-dekabr 09:00 ga qadar qabul qilinadi. Savdolar xuddi shu kuni 10:00 da boshlanadi.

Mavzuga doir: 

• Kinder Fruits kompaniyasining 100 foiz davlat ulushi auksionga qo‘yildi. Boshlang‘ich bahosi — 16,7 mlrd so‘m
• Toshkent shahridagi sobiq “Algoritm” zavodi binolari qariyb 300 mlrd so‘mga auksionga qo‘yildi
• Toshkentdagi 11 xonali hovli 3 mlrd so‘mga auksionga qo‘yildi