Британиялик импортчилар Россия нефтини сотиб олишда давом этмоқда. Бу ҳақда The Times нашри хабар бермоқда.
Нашр маълумотларига кўра, нефть Греция, Германия, Нидерландия ёки бошқа мамлакатларда бир кемадан бошқасига ўтказилганлиги сабабли импорт Европага тегишли бўлиб қолган.
Умуман олганда, март ойидан буён Буюк Британия 778 миллион фунт стерлинглик Россия нефтини сотиб олган.
Шу давр мобайнида Россиядан қиймати 200 миллион фунт стерлингдан ортиқ энергия ташувчиси бўлган 39 та танкер мамлакатга етиб келган.
Июль ва июнь ойларида етказиб бериш 80 миллион фунт стерлингга баҳоланган, аммо расмий маълумотларга кўра, Лондон Москвадан нефть сотиб олмаган. Буюк Британияда 5 декабрдан бошлаб Россия нефтини импорт қилиш тақиқланади.
Европа портларида нефтни қайта юклаш схемаси денгиз қонунчилигини бузмайди, чунки компаниялар ишлаб чиқарувчини эмас, балки энергия ташувчиси юборилган мамлакатни кўрсатиши керак. Британияда ҳам 5 декабрдан сўнг импорт худди шу кўринишда давом этиши мумкин.
Мавзуга доир:
Изоҳ (0)