Tyumenlik tadbirkorlar O‘zbekiston bozorlarida o‘z o‘rnini egallashga urinayotgan Turkiya va Xitoy bilan raqobatlashadi. Bu haqda “RBK” xabar berdi.
Eksportni qo‘llab-quvvatlash markazi rahbari Aleksey Yergaliyevning aytishicha, O‘zbekiston hozir butun dunyo bilan aloqa o‘rnatmoqda.
Davlatning yangi siyosati ilgari bozorni tark etgan investorlar uchun eshikni ochish imkonini berdi. O‘zbekistonning ichki bozordagi ijobiy imidjini shakllantirishga qaratilgan ko‘plab qonunlar qabul qilinmoqda, — deydi Aleksey Yergaliyev.
Unga ko‘ra, ayni paytda savdo hajmi bo‘yicha birinchi raqamli hamkor va yetakchi Rossiya hisoblanadi. Bunga asosiy sabab esa neft va gaz sohasidagi savdo.
O‘zbekiston bozorida o‘z o‘rnini egallashga urinayotgan Turkiya va Xitoy tadbirkorlarining faolligi yuqori, – dedi Aleksey Yergaliyev.
Tyumenlik tadbirkorlar delegatsiyasi hozir O‘zbekistonda biznes missiyasi bilan bo‘lib, hamkorlikni muhokama qilmoqda.
Bir qator shartnomalar tuzilib, turli sohalarda, jumladan, savdo sohasida hamkorlikning yangi imkoniyatlari o‘rganilmoqda.
Avvalroq O‘zbekiston Rossiyaning Tyumen viloyati aholisi ommaviy ravishda ish topib, ko‘chib o‘tmoqchi bo‘lgan yo‘nalishlardan biriga aylangani haqida xabar berilgandi.
Izoh (0)