Twitter’нинг янги раҳбари Илон Маск 21 ноябрь, душанба куни ишдан бўшатишнинг навбатдаги тўлқинини ўтказиши мумкин. Бу ҳақда Bloomberg хабар бермоқда.
Агентлик маълумотларига кўра, қисқартиришлар савдо ва шериклик билан шуғулланадиган ходимларга таъсир қилиши мумкин.
Таъкидланишича, Маск ходимларга иш вақтини ошириш бўйича ультиматум қўйган. Акс ҳолда улар ишдан бўшатилади.
Маск сотувлар ва ҳамкорлик бўлимлари раҳбарларидан ходимларни қисқартиришни сўраган. Бироқ уларнинг иккиси ҳам буни қилишдан бош тортган ва шу сабаб ишдан олинган.
Октябрь ойи охирида Илон Маск Twitter’ни 44 миллиард долларга сотиб олди. Шундан сўнг компания ходимларининг ярмини ишдан бўшатди.
Миллиардер модерация қоидаларини юмшатишга ва фойдаланувчини текшириш қоидаларини қайта кўриб чиқишга ваъда берган.
Мавзуга доир:
Изоҳ (0)