Toshkent viloyati Olmaliq shahrida ishga kiritib qo‘yishni va’da qilgan firibgar ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Olmaliq shahar bo‘limi tomonidan viloyat DXX xodimlari bilan hamkorlikda tezkor tadbir o‘tkazilgan. Unda fuqaro M.O. fuqaro M.N.ning ishonchiga kirib, uni go‘yoki yuqori lavozimlarda ishlovchi tanishlari orqali “Olmaliq kon metallurgiya kombinati” AJga ishga kiritib qo‘yishini aytib, evaziga pul talab qilgani aniqlangan.
U fuqarodan 1 500 dollarni olgan vaqtida ashyoviy dalillar bilan qo‘lga olingan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)