“Bilim uchun 100 million”, “Bilimdon talaba” va “Yosh kitobxon” onlayn olimpiadalarining g‘oliblari taqdirlandi. Bu haqda Yoshlar ishlari agentligi direktori Alisher Sadullayev xabar berdi.
Qayd etilishicha, “Bilim uchun 100 million” loyihasining birinchi bosqichi — onlayn shaklda o‘tkazilgan turlarda 246 991 nafar ishtirokchi qatnashdi. Aprel oyidan bugunga qadar eng yuqori ball to‘plagan 100 nafar ishtirokchi o‘rtasida 17-noyabr kuni Toshkent shaharida final o‘tkazildi. 1-o‘rinni qo‘lga kiritgan ishtirokchi 100 mln so‘m, qolgan ishtirokchilarning har biri esa 1 mln so‘mdan pul mukofotlari bilan taqdirlandi.
Shuningdek, Xalqaro talabalar kuni munosabati bilan 12—13-noyabr kunlari o‘tkazilgan “Bilimdon talaba” onlayn olimpiadasida eng yuqori balni to‘plagan 50 nafar talabaning har biri 1 mln so‘mdan pul mukofoti bilan taqdirlandi.
Bundan tashqari, @kitobxontestbot orqali kitobxon yoshlar o‘rtasida o‘tkazilayotgan “Yosh kitobxon” onlayn olimpiadasida eng yuqori natijalarni qayd etayotgan ishtirokchilar noutbuk va planshet bilan taqdirlandi. Ayni paytda ushbu loyiha yana davom etmoqda.
Izoh (0)