Qashqadaryo viloyati Kasbi tumanida tadbirkorning 7,6 tonna gaz kondensatini o‘g‘irlagan shaxs aniqlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Bosh prokuratura huzuridagi departamentning Kasbi tumani bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda fuqaro Sh.Ch. “E.D.” MCHJning gaz kondensatini o‘g‘rilik yo‘li bilan qo‘lga kiritgani aniqlanib, “Qamashi” MFY hududidan 7,6 tonna gaz kondensati, 51 dona to‘q qora suyuqlik to‘kilgan yelim idish, 320 metr temir quvur va yuqori bosimga mo‘ljallangan rezina shlanglar tegishli tartibda ashyoviy dalil sifatida olingan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergovga tegishliligi bo‘yicha yuborilgan.
Mavzuga doir: “O‘zbekneftgaz”: Neft va gaz tabiiy boyliklari talon-toroj qilinishining oldi olindi
Izoh (0)