Тошкент вилояти Олмалиқ шаҳрида ишга киритиб қўйишни ваъда қилган фирибгар ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Олмалиқ шаҳар бўлими томонидан вилоят ДХХ ходимлари билан ҳамкорликда тезкор тадбир ўтказилган. Унда фуқаро М.О. фуқаро М.Н.нинг ишончига кириб, уни гўёки юқори лавозимларда ишловчи танишлари орқали «Олмалиқ кон металлургия комбинати» АЖга ишга киритиб қўйишини айтиб, эвазига пул талаб қилгани аниқланган.
У фуқародан 1 500 долларни олган вақтида ашёвий далиллар билан қўлга олинган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)