Markaziy bank sentabr oyida o‘tkazilgan so‘rov natijalariga ko‘ra, aholi tomonidan sezilgan inflyatsiya darajasini ma’lum qildi.
Oktabr oyida aholining kelgusi 12 oy uchun narxlar o‘sishi bo‘yicha inflyatsion kutilmalari o‘tgan oyga nisbatan biroz pasayib, 15,1 foiz atrofida shakllandi.
Kelgusi 12 oyda inflyatsiya ko‘rsatkichi joriy darajada yoki undan yuqoriroq bo‘lishini kutayotgan respondentlarning ulushi avvalgi oyga nisbatan 2 foiz bandga yuqorilagan.
Oktabr oyida inflyatsiyani kelgusida 13-16 foiz hamda 17-20 foiz atrofida bo‘lishini kutayotgan aholi ulushi yuqorilagan. Sentabr oyida ko‘pchilik inflyatsiya 9-12 foiz orasida shakllanishini kutgan edi.
Aholi tomonidan kelgusi davrda narxlarga oshiruvchi bosim ko‘rsatishi mumkin bo‘lgan asosiy omillar sifatida quyidagilar ta’kidlangan:
- import tovarlari va asosiy oziq-ovqat mahsulotlari — 49 foiz;
- valyuta kursining qadrsizlanishi — 44 foiz;
- narxlarning sun’iy oshirilishi — 34 foiz.
Shu bilan birga, turar joy hamda ijara to‘lovlarining oshishini ko‘rsatgan aholi vakillarining ulushi o‘suvchi dinamikani saqlab qolgan — 18 foizdan 22 foizgacha.
Avvalroq O‘zbekistonda apreldan beri narxlar eng ko‘p o‘sgani haqida xabar berilgan edi.
Izoh (0)