Марказий банк сентябрь ойида ўтказилган сўров натижаларига кўра, аҳоли томонидан сезилган инфляция даражасини маълум қилди.
Октябрь ойида аҳолининг келгуси 12 ой учун нархлар ўсиши бўйича инфляцион кутилмалари ўтган ойга нисбатан бироз пасайиб, 15,1 фоиз атрофида шаклланди.
Келгуси 12 ойда инфляция кўрсаткичи жорий даражада ёки ундан юқорироқ бўлишини кутаётган респондентларнинг улуши аввалги ойга нисбатан 2 фоиз бандга юқорилаган.
Октябрь ойида инфляцияни келгусида 13-16 фоиз ҳамда 17-20 фоиз атрофида бўлишини кутаётган аҳоли улуши юқорилаган. Сентябрь ойида кўпчилик инфляция 9-12 фоиз орасида шаклланишини кутган эди.
Аҳоли томонидан келгуси даврда нархларга оширувчи босим кўрсатиши мумкин бўлган асосий омиллар сифатида қуйидагилар таъкидланган:
- импорт товарлари ва асосий озиқ-овқат маҳсулотлари — 49 фоиз;
- валюта курсининг қадрсизланиши — 44 фоиз;
- нархларнинг сунъий оширилиши — 34 фоиз.
Шу билан бирга, турар жой ҳамда ижара тўловларининг ошишини кўрсатган аҳоли вакилларининг улуши ўсувчи динамикани сақлаб қолган — 18 фоиздан 22 фоизгача.
Аввалроқ Ўзбекистонда апрелдан бери нархлар энг кўп ўсгани ҳақида хабар берилган эди.
Изоҳ (0)