Italiyaning Istat statistika agentligining yakuniy ma’lumotlariga ko‘ra, mamlakatda iste’mol narxlari oktabr oyida yillik hisobda 11,8 foizga o‘sdi, bu so‘nggi 38 yildagi eng yuqori ko‘rsatkichdir. Bu haqda “Interfaks” xabar bermoqda.
Dastlabki ma’lumotlarga ko‘ra, narxlar 11,9 foizga oshgan. O‘tgan oyga nisbatan iste’mol narxlarining o‘sishi 3,4 foizni tashkil etdi.
Sentabr oyida narxlar yillik hisobda 8,9 foizga, oylik hisobda esa 0,3 foizga oshdi.
Inflyatsiyaning tezlashishi asosan energiya va oziq-ovqat mahsulotlari narxlari dinamikasi bilan bog‘liq. Ushbu ikki toifani hisobga olmaganda, narxlar yillik hisobda 5,3 foizga oshgan, — deya qayd etadi Istat.
Energiya narxlari sentabr oyida 44,5 foizga oshganidan keyin oktabr oyida yillik 71,1 foizga, oziq-ovqat narxlari esa 13,1 foizga oshdi.
Alkogolli ichimliklar va tamaki mahsulotlari narxi o‘tgan yilning shu davriga nisbatan 2,2 foizga oshdi va bir oy ichida o‘zgarmadi. Kiyim va poyabzal mos ravishda 3 foiz va 0,6 foizga qimmatlashdi. Transport xarajatlari o‘tgan yilga nisbatan 8,1 foizga oshdi va 0,4 foizga kamaydi.
Italiyada Yevropa Ittifoqi standartlari bilan uyg‘unlashtirilgan iste’mol narxlari oktabr oyida o‘tgan yilning shu davriga nisbatan 12,6 foizga, o‘tgan oyga nisbatan esa 3,8 foizga oshdi.
Avvalroq Buyuk Britaniyada inflyatsiya 41 yillik eng yuqori darajaga ko‘tarilgani haqida xabar berilgandi.
Izoh (0)