JPMorgan moliyaviy xizmatlar holdingi Xitoyning 2022—2023-yillarga mo‘ljallangan iqtisodiy o‘sish prognozlarini pasaytirdi. Bu haqda “Interfaks” xabar bermoqda.
Shuningdek, holding mamlakatda COVID-19 holatlarining ko‘payishining yana bir to‘lqini va ichki faollikning sezilarli darajada zaiflashishini qayd etdi.
Xitoyning 2022-yil uchun YIM o‘sishi prognozi JPMorgan tomonidan 3,1 foizdan 2,9 foizga, 2023-yil uchun esa 4,5 foizdan 4 foizga tushirildi.
Biz Xitoy iqtisodiyotining dunyoga bosqichma-bosqich qayta ochilishi 2023-yilning bahorida boshlanishini taxmin qilmoqdamiz, — dedi tahlilchilar sharhda.
Ma’lumotlarga ko‘ra, joriy yilning uchinchi choragida Xitoy iqtisodiyoti yillik hisobda 3,9 foizga oshdi.
Birinchi uch chorakda o‘sish 3 foizni tashkil etgandi. Rossiya va Xitoy o‘rtasidagi tovar ayirboshlash 9 oy ichida 32,5 foizga o‘sib, 136,1 milliard dollarni tashkil etdi.
Raqamlar tahlilchilar prognozlaridan yaxshiroq bo‘lib chiqdi. Ekspertlar o‘sish ko‘rsatkichini 3,4 foiz bo‘lishini kutgan edi.
Xitoyning tashqi savdo aylanmasi yanvar—sentabr oylarida 4,75 trillion dollarni tashkil etib, 8,7 foizga o‘sdi. Xitoy bojxona xizmati ma’lumotlariga ko‘ra, eksport 12,5 foizga, import 4,1 foizga oshgan.
Avvalroq Rossiya iqtisodiyotining Xitoyga qaramligi vaqt o‘tishi bilan kuchayishi haqida xabar berilgandi.
Izoh (0)