O‘zbek shou-biznesi vakillari oddiy odamlar bir necha yil ishlab, uy va mashina oladigan puliga bitta kiyim va taqinchoq xarid qilishi mumkinligini ommadan yashirmaydi. Masalan, O‘zbekistonning birinchi prezidenti Islom Karimovning nevarasi Maryam Tillayeva Toshkentda bir nechta hovli beradigan pulga taqinchoq olib, Kann kinofestivalining qizil yo‘lagidan o‘tgan. Quyida mashhurlar garderobining eng qimmat elementlari haqida so‘z boradi.
Maryam Tillayeva
Ko‘plab mish-mishlar qurshovida yuradigan instabloger Maryam Tillayeva YouTube kanallarining biriga bergan intervyusida Kann kinofestivalining qizil yo‘lakchasida taqqan taqinchoqlar to‘plamining umumiy bahosi 700 000 dollarga teng ekanini aytgan.
Yulduz Usmonova
O‘zbekiston xalq artisti Yulduz Usmonova Instagram sahifasida garderobidagi bir ko‘ylagining narxi 2 000 dollarga teng ekanini aytgan. Xonanda shuningdek oddiy kiyingani bilan sifatli, brend liboslarni kiyishini va bu hashamatli kiyinishdan qimmatga tushishi haqida gapirgan.
Ahad Qayum
Akyor, rejissor, prodyuser Ahad Qayum intervyularining birida boshdan oyoq kiyinishi 8000 dollarga (89 million) tushishini, garderobidagi eng qimmat kiyimi paltolari ekanini va bu kiyimlarni Toshkentdan topib bo‘lmasligini, qiymati esa 10-12 000 dollar oshishini aytgan. Aynan o‘sha intervyuda kiygan oyoq kiyimini 1 500 dollar (16 million), shimini 1 000 dollar, pidjagini 2 000 dollar, qora ko‘ylagini 1 000 dollar, ko‘zoynagini 1 500 dollarga olganini ma’lum qilgan.
Yulduz Turdiyeva
Xonanda Yulduz Turdiyeva esa to‘ylarda ikki-uch kun bitta kostyumda qo‘shiq kuylagani uchun Instagram kuzatuvchilarining tanqidlariga sabab bo‘lgan edi. Xonanda shundan keyin salbiy izoh yozgan obunachilariga egnidagi oddiy emas, Balmain brendiga tegishli bo‘lgan, qiymati 3 ming dollarlik kostyum ekani haqida gapirgan.
“Xalq xizmatida yurgan paytimdan post joylagandim. Ba’zi opa-singillarimiz: ‘Bir necha kundan buyon bitta kostyumda yurib isib ketmadingizmi?’, — deyishibdi. Birinchidan, bu o‘zimga yoqadi, Balmain brendining pidjaki va bir necha yillik orzum. Havo issiqmi-sovuqmi o‘zimga yoqqan kiyimni kiyaman, siz qo‘shiqlarimni tinglang”, — degan xonanda.
Zarina Nizomiddinova
Latofatli aktrisa Zarina Nizomiddinova “Shok.uz” YouTube kanaliga bergan intervyusida garderobidagi turmush o‘rtog‘i Moskvada sovg‘a qilgan krossovka 1 200 dollar, sumkasi esa 1 000 dollar turishini aytgan.
Mavzuga doir:
- 50 ming dollarlik aravacha, olmos kursi, oltin shaqildoq — mashhurlarning farzandlariga sovg’a qilgan eng qimmatbaho buyumlari (foto).
- “Qo‘limga 11 ming so‘m berishganida mendan baxtli odam yo‘q edi”. Asal Shodiyeva, Yigitali Mamajonov va boshqa mashhurlarning ilk daromadi haqidagi xotiralari.
- Sumka, marjon va ko‘zoynak: Mashhurlarning bitta kvartira narxiga teng qimmatbaho aksessuarlari (foto).
- 500 milliondan 80 milliard dollargacha: Mashhurlarning juda qimmatga tushgan ajrashishlari (foto).
Izoh (0)